បាង់ដំបងៈ ប្រជាពលរដ្ឋ ជីកប្រឡាយកប់ទុយោ ដើម្បីរំដោះទឹក បានប្រទះឃើញគ្រាប់យុទ្ធភណ្ឌប្រភេទ អាហុក នៅមានប្រសិទ្ធភាពមួយគ្រាប់ រងចាំអង្គភាពស៊ីម៉ាក់មកយកទៅកំទេចចោល។
ហេតុការណ៍ ប្រទះឃើញគ្រាប់យុទ្ធភណ្ឌនេះ នៅវេលាម៉ោង៩ និង២០នាទីថ្ងៃទី០៨ ខែកក្កដា ស្ថិតត្រង់ចំណុចក្បែរផ្លូវរថភ្លើង ក្នុងភូមិអូតាគាំ២ សង្កាត់ទួលតាឯក ក្រុងបាត់ដំបង។
ប្រជាពលរដ្ឋ ដែលជាអ្នកជីក បាននិយាយថា បើសិនជារូបគាត់កាប់ចំគ្រាប់នោះប្រហែលជាបាត់បង់ជីវិតបាត់ទៅហើយ ព្រោះគ្រាប់នោះនៅមានប្រសិទ្ធភាពនៅឡើយ គ្រាប់នេះ ត្រូវបានគាត់ទាញចេញមកក្រៅរងចាំអង្គភាពស៊ីម៉ាក់យកទៅកំទេចចោលតាមជំនាញ។
អង្គភាពស៊ីម៉ាក់ បានផ្តាំផ្ញើដល់បងប្អូនដែលជីកប្រឡាយក្តីសាងសង់លំនៅឋានក្តី បើសិនជាជីកឃើញគ្រាប់អ្វីមួយមានការសង្ស័យ ត្រូវរាយការណ៍មកអង្គភាពជំនាញជាបន្ទាន់ កុំប៉ះពាល់ ឬ យកទៅដំ ដើម្បីលក់អេតចាយនាំឲ្យមានគ្រោះថ្នាក់ដល់អាយុជីវិតខ្លួនឯង និងអ្នកដទៃដែលនៅជុំវិញខ្លួន៕
មតិយោបល់