Post News Media ព័ត៌មានជាតិ យប់មិញរង្វង់​...

យប់មិញរង្វង់​មូលគួរ​ស្រូវ ងងឹតឲ្យឈឹង អាជ្ញាធរមើលមិនឃើញ! បុរសម្នាក់ ជិះម៉ូតូបុក​រង្វង់មូល ស្លាប់មួយរំពេច នៅខណ្ឌដង្កោ

​ភ្នំពេញ: កាលពី​វេលា​ម៉ោង​ ៩និង​៤០​នាទីយប់ថ្ងៃ​ទី​១៤​ ខែកុម្ភ:​ ឆ្នាំ​២០១៩​ មានករណីគ្រោះថ្នាក់ចរាចរណ៍ បុរស​ម្នាក់​ជិះ​ម៉ូតូ​លឿន​មិន​ប្រយ័ត្ន​ ជ្រុលទៅបុក​រង្វង់​មូល​ បណ្ដាលឲ្យស្លាប់​ដោយខ្លួនឯង​ នៅ​ចំណុច​រង្វង់​មូល​គួរ​ស្រូវ​ លើ​ផ្លូវ​លេខ​២​ ស្ថិត​នៅ​ក្នុងភូមិ​រលួស​ សង្កាត់​រលួស​ ខណ្ឌដង្កោ​។​

​ជន​រង​គ្រោះ​ ឈ្មោះ​ សេក​ ដែន​ ភេទ​ប្រុស​ អាយុ​៣៤​ឆ្នាំ​ មុខរបរ​រត់​ម៉ូតូ​ មាន​ទីលំនៅ​ភូមិ​ព្រៃ​គាំ​ម​ ឃុំ​ព្រៃ​គាំ​ម​ ស្រុក​អង្គរ​បូ​រី​ ខេត្តតាកែវ​ បាន​ជិះ​ម៉ូតូ​ម៉ាក​ហុងដា សេ125​ ពណ៌​ខ្មៅ​ ពាក់​ស្លាក​លេខ​តាកែវ​ 1D-3014​ ។​

ក្រោយកើតហេតុ ​សមត្ថកិច្ច បានចុះវាស់វែង រួចយកម៉ូតូ​ទៅ​រក្សា​ទុក​នៅ​អធិការដ្ឋាន​នគរបាល​ខណ្ឌដង្កោ​ ដើម្បីរងចាំធ្វើការដោះស្រាយពេលក្រោយ។​
ចំណែក​សព​ត្រូវ​បាន​ប្រគល់ឲ្យសាច់ញាតិ​យក​ទៅ​ធ្វើបុណ្យ​តាម​ប្រពៃណី​។

មូលហេតុ៖​ បណ្ដាលមកពីម៉ូតូ​បើកលឿន​ ខ្វះ​ការ​ប្រុង​ប្រយ័ត្ន​៕

Loading...