ព័ត៌មានជាតិ

រថយន្ត​ព្រូស បុកគ្នាជាមួយរថយន្តវីស្តូ​ បណ្តាលឲ្យ​របួសសន្លប់ស្តូកម្នាក់

ភ្នំពេញ:​ រថយន្ត​ពីរ​គ្រឿង ​បើកបោះពួយយ៉ាងលឿនរៀងៗខ្លួន​ ខណ:មកដល់ចំណុច​ផ្លូវបំបែកជា​បួន​ ដោយ​សារ​ខ្វះ​ការប្រុងប្រយ័ត្ន​​បណ្ដាល​ឲ្យ​បុកគ្នា​ពេញ​ទំហឹង​ រងការខូចខាត​ទាំងសងខាង​។

ហេតុ​ការណ៍​នេះ​ បាន​កើតឡើង​កាលពីវេលា​ម៉ោង​១១និង៥០នាទី​យប់​ ថ្ងៃទី​១៨​ ខែកុម្ភ:​ ឆ្នាំ​២០១៩​ត្រង់ចំណុច​ស្តុប​២៤ម៉ោង​ តាម​បណ្ដោយ​ផ្លូវ​ហាណូយ​ កែងនិងផ្លូវ​ឧកញ្ញម៉ងរិទ្ធី​ ស្ថិតក្នុងសង្កាត់​គោក​ឃ្លាង​ ខណ្ឌសែនសុខ​។

តាមប្រភពព័ត៌មាន​ពីកន្លែងកើតហេតុ បាន​ឲ្យ​ដឹង​ថា នៅមុន​ពេល​កើត​ហេតុ​គេឃើញ​បុរស​ម្នាក់​ បើកបរ​រថយន្ត​មួយគ្រឿង ម៉ាក​ តូយូតា​ព្រូស​ ពណ៌ស​ ពាក់ស្លាកលេខ​ ភ្នំពេញ​2AG-9523 ធ្វើដំណើរ​ពី​ជើងទៅត្បូង​តាមបណ្ដោយ​ផ្លូវ​ហាណូយ​ ក្នុងល្បឿនយ៉ាងលឿន។ មកដល់ចំណុច​កើតហេតុ​ ស្រាប់តែ​មាន​រថយន្ត​មួយ​គ្រឿង​ទៀត​ ម៉ាក​ វីស្តូ​ ពណ៌​ស​ ពាក់ស្លាកលេខ​ ​ភ្នំពេញ​2AG-1914​ ធ្វើដំណើរ​ពី​កើត​ទៅ​លិច​តាមបណ្ដោយ​ផ្លូវ​ឧកញ្ញ៉ា​ម៉ុងរិទ្ធី​ក្នុង​ល្បឿន​​លឿន​ដូចគ្នា។ ខណ:ភ្លើងសញ្ញា​ចរាចរណ៍ ​នៅកន្លែង​កើត​ហេតុ​លែង​ដំណើរការ​ រួមទាំង​រថយន្ត​ពីរ​គ្រឿង​ បើកបរខ្វះ​ការ​ប្រុងប្រយ័ត្ន​រៀង​ៗខ្លួន​ ក៏បង្កឲ្យបុកគ្នាចំពីមុខពេញ​ទំហឹង​ បណ្តាលឲ្យ​រថយន្ត​ព្រូសរងការខូចខាត​ខ្ទេច​មួយ​កំណាត់​មុខ​ ចំណែក​ឯ​រថយន្ត​វីស្តូ​ នៅមិន​ទាន់​អស់​ល្បឿន​ក៏ជ្រុល​បុក​ទម្លុះ​ទ្វារ​របង​ផ្ទះ​ប្រជាពលរដ្ឋ​ ដែល​នៅ​ក្បែរនោះ បណ្ដាល​ឲ្យ​ដាច់​សោបើកទ្វាររបង។​ ដោយឡែក​រថយន្ត​រងការខូចខាត​ក្រពឹត​និងដាច់ក្រឡេកង់ខាងមុខ​ចំហៀង​ខាងស្តាំ​ រីឯ​អ្នក​បើកបរ​រងរបួសសន្លប់​ស្តូកស្តឹង​ ត្រូវ​រថយន្ត​សង្គ្រោះ​បន្ទាន់​របស់​គ្លីនិក​សម្ភពរស្មី​ដឹក​យកទៅសង្គ្រោះ​ភ្លាមៗ​ផងដែរ​។

ក្រោយ​ពេល​កើត​ហេតុ​ សមត្ថកិច្ច​មូល​ដ្ឋាន​ក៏​បាន​ចុះ​មក​ដល់​កន្លែង​កើត​ហេតុ​ហើយក៏បានទាក់ទង​ទៅ​សមត្ថកិច្ច​ជំនាញ​ ឲ្យ​ចុះ​មក​ធ្វើការ​វាស់​វែង​ និង​ស្ទូច​យក​រថយន្ត​ទាំង​ពីរ​គ្រឿង ​ទៅ​រក្សា​ទុក​នៅ​ការិយាល័យ​ចរាចរណ៍​ផ្លូវ​គោក​ នៃស្នង​ការដ្ឋាន​នគរបាល​រាជធានី​ភ្នំពេញ​ ដើម្បី​រង់ចាំ​ធ្វើ​ការ​ដោះស្រាយ​គ្នា​ទៅ​តាម​ផ្លូវ​ច្បាប់ ​ជាបន្ត​ទៀត​នៅ​ពេល​ក្រោយ​៕

មតិយោបល់