Post News Media ព័ត៌មានអន្តរជាតិ អាមេរិក អំពាវ...

អាមេរិក អំពាវនាវឲ្យរុស្ស៊ី ជួយសម្រួលការផ្ដល់ជំនួយដល់ជំរុំ Rukban នៅស៊ីរី

អាមេរិក: ក្រសួងការបរទេសអាមេរិក កាលពីថ្ងៃច័ន្ទបានអំពាវនាវឲ្យប្រទេសរុស្ស៊ី ជួយសម្រួលការផ្តល់ជំនួយផ្នែកមនុស្សធម៌ ដល់ជំរំជនភៀសខ្លួន Rukban នៅក្នុងប្រទេសស៊ីរី។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី១៩ ខែកុម្ភ: ឆ្នាំ២០១៩។

រដ្ឋាភិបាលអាមេរិក បានអំពាវនាវអស់រយ:ពេលជាច្រើនខែកន្លងមកហើយ សម្រាប់របបស៊ីរី ដែលដឹកនាំដោយប្រធានាធិបតីលោក Bashar Assad ដើម្បីអនុញ្ញាតឲ្យមានការចូលទៅកាន់ជំរំ Rukban យ៉ាងឆាប់រហ័ស ដើម្បីសុវត្ថិភាព និងគ្មានឧបសគ្គដល់ UN។

ដោយលោក Robert Palladino អ្នកនាំពាក្យរងរបស់ក្រសួងការបរទេសអាមេរិក បាននិយាយនៅក្នុងសេចក្តីថ្លែងការណ៍មួយថា ក្បួនមនុស្សធម៌នាពេលថ្មីៗនេះ គឺជាជំហានវិជ្ជមានមួយ ហើយយើងសូមអំពាវនាវឲ្យរុស្ស៊ី ជួយសម្របសម្រួលដល់ការបន្តផ្តល់ជំនួយមនុស្សធម៌ ជាទៀងទាត់ទៅកាន់ទីតាំងនោះ។

ក្នុងនោះលោក Palladino ក៏បានសរសើរពីការផ្តល់ជំនួយមនុស្សធម៌នាពេលថ្មីៗនេះ ដល់ជំរំ Rukban ដោយអង្គការសហប្រជាជាតិ និងអឌ្ឍចន្ទក្រហម SARC ផងដែរ៕