Post News Media ព័ត៌មានជាតិ សង្ស័យជំងឺស្ក...

សង្ស័យជំងឺស្កន់ជ្រូករើទ្បើង ទៅបង់ត្រីនៅស្ទឹង បណ្ដាលឲ្យលង់ទឹកស្លាប់

បន្ទាយមានជ័យ: កាលពីម៉ោង ១១និង៤០នាទីព្រឹកថ្ងៃទី១៧ ខែកុម្ភ:​ ឆ្នាំ២០១៩ មានករណីបុរសម្នាក់ បានលង់ទឹកស្ទឹងស្លាប់ នៅស្ទឹងខាងត្បូង ភូមិធ្មេញត្រី ឃុំសំរោង ស្រុកអូរជ្រៅ ខេត្តបន្ទាយមានជ័យ ។

ជនរងគ្រោះ ឈ្មោះ សេង បូរិន អាយុ២៦ ឆ្នាំ រស់នៅភូមិឃុំកើតហេតុ។

សមត្ថកិច្ច បានឲ្យដឹងថា នៅមុនពេលកើតហេតុ ជនរងគ្រោះ បានយកសំណាញ់ទៅបង់ត្រី នៅចំណុចស្ទឹងខាងត្បូងភូមិ ពេលបង់រួចជនរងគ្រោះ បានចុះទៅក្នុងទឹក ដើម្បីចាប់ត្រី ជាអកុសលក៏លង់ទឹកស្លាប់។

មូលហេតុ៖ សង្ស័យនៅពេលចុះចាប់ត្រី ត្រូវបានជំងឺស្កន់ជ្រូករើឡើង ដោយគ្មានអ្នកដឹង ក៏លង់ទឹកស្លាប់តែម្តង ព្រោះជនរងគ្រោះកើតជំងឺស្កន់ជ្រូកជាប្រចាំ។

ក្រោយពិនិត្យសពរួច​ សមត្ថកិច្ចបានប្រគល់ជូនឪពុកម្តាយ យកទៅធ្វើបុណ្យតាមប្រពៃណី៕

Loading...