ព័ត៌មានជាតិ

សមត្ថកិច្ច និងប្រជាពលរដ្ឋ រត់ជាន់ជើងគ្នា! អគ្គិភ័យឆេះរោងចក្រ Mingyi កាត់ដេរ

ភ្នំពេញ: នៅវេលាម៉ោង ០១ និង១២នាទីរំលងអធ្រាត្រ ឈានចូលថ្ងៃទី១៩ ខែកុម្ភ: ឆ្នាំ២០១៩ មានករណីអគ្គិភ័យឆេះរោងចក្រ (Mingyi កាត់ដេរ) ស្ថិតនៅតាមណ្តោយផ្លូវ ៣៧១ ផ្ទះ៦៤៧ ក្រុមទី១៣ សង្កាត់ដង្កោ ខណ្ឌដង្កោ រាជធានីភ្នំពេញ។

ម្ចាស់រោងចក្រឈ្មោះ មីង អ៊ី ភេទស្រី អាយុ៥១ឆ្នាំ ជនជាតិចិន មុខរបរ ថៅកែរោងចក្រកាត់ដេរ ស្នាក់នៅទីតាំងកើតហេតុខាងលើ ។

មូលហេតុ៖ កម្មករចូកកម្ទេចផេះបោះមកគុំនរក្រណាត់ សំរាមខាងក្រៅរបងរោងចក្រ ខ្វះការប្រុងប្រយ័ត្ន ទើបបង្កជាអគ្គិភ័យទ្បើង។

ប្រភេទសំណង់៖ ថ្មបេតុងប្រក់ស័ង្កសី ទំហំ៥០ម៉ែត្រx១០០ម៉ែត្រ ។
សម្ភារខូចខាត៖ គ្មាន នឹងពុំបានឆេះរាលដាល ដល់ផ្ទះអ្នកនៅក្បែរខាងឡើយ។

ករណីនេះ មានរថយន្តពន្លត់អគ្គិភ័យសរុប០៥ គ្រឿង ចេញអន្តរាគមន៍
ប្រើប្រាស់អស់ចំនួន០៤ គ្រឿង ស្មើនឹង១៨ម៉ែត្រគូប៖
– រថយន្ត អាវុធហត្ថរាជធានីភ្នំពេញចំនួន ០២គ្រឿង
– រថយន្តក្រុមហ៊ុនស្រាបៀកម្ពុជាចំនួន ០១គ្រឿ
– រថយន្តខណ្ឌទួលគោកចំនួន ០១ គ្រឿង
– រថយន្តសាលាខណ្ឌដង្កោចំនួន ០១ គ្រឿង
ពន្លត់ចប់នៅម៉ោង០២ និង១០នាទីថ្ងៃដដែល៕

មតិយោបល់