Post News Media ព័ត៌មានជាតិ បន្ទាយមានជ័យទ...

បន្ទាយមានជ័យទៀតហើយ! មានករណីសង្ស័យពុលនំបញ្ចុក​ និងបាញ់ស៊ុងជាច្រើននាក់

បន្ទាយមានជ័យ:​ នៅវេលាម៉ោង​ ៧ និង៣០នាទីព្រឹកថ្ងៃទី២០​ ខែកុម្ភ: ឆ្នាំ២០១៩ យ៉ាងហោចណាស់មនុស្សចំនួន១១នាក់ បានពុលនំបញ្ចុក​ និងបាញ់ស៊ុង ក្រោយពេលទទួលទានរួច នៅភូមិចារលើ ឃុំ ទឹកជោរ ស្រុកព្រះនេត្រព្រះ ខេត្តបន្ទាយមានជ័យ ។

ប្រជាពលរដ្ឋដែលបានហូបនំបញ្ចុក​ និងបាញ់ស៊ុងខាងលើ៖
១/-ឈ្មោះ ព្រឿម លេខ ភេទស្រី​ អាយុ​ ៥៩​ឆ្នាំ​
២/-ឈ្មោះ​ លឿ មឿន ភេទប្រុស​ អាយុ​ ៤៨ឆ្នាំ​
៣/-ឈ្មោះ​ ភឿន តុលា​ ភេទប្រុស​ អាយុ​ ១១ឆ្នាំ
៤/-​ឈ្មោះ​ សូត្រ ចាន់រ៉ា​ ភេទស្រី​ អាយុ​ ០៨ឆ្នាំ
៥/-ឈ្មោះ​ ទាំ ចាន់រះ ភេទស្រី​ អាយុ​ ០៨ឆ្នាំ
៦/- ឈ្មោះ​ វេត សាគិត​ ភេទស្រី​ អាយុ​ ២៣ឆ្នាំ
៧/-ឈ្មោះ​ វេ ចិន ភេទស្រី​ អាយុ​ ០៤ឆ្នាំ
៨/-ឈ្មោះ​ ភ្លី លក ភេទស្រី​ អាយុ​ ០៣ឆ្នាំ​
៩/-ឈ្មោះ​ ភ្លី នុត ភេទស្រី​ អាយុ​ ១៥ឆ្នាំ​
១០/-ឈ្មោះ​ ភ្លី ជូអ៊ីង​ ភេទស្រី​ អាយុ​ ០៤ឆ្នាំ
១១/-ឈ្មោះ​ ឡង សួង​ ភេទស្រី អាយុ​ ៥៤ឆ្នាំ
អ្នកទាំង១១ រស់នៅភូមិឃុំ​ កើតហេតុខាងលើ។

សមត្ថកិច្ច បានឲ្យដឹងថា មុនពេលកើតហេតុជនរងគ្រោះ បានទៅទិញនំបញ្ចុក​ និងបាញ់ស៊ុង​ មានបន្លែសណ្ដែកគួរ​ សណ្ដែកបណ្ដុះ​ និងផ្លែល្ហុង ដែលមានអ្នកលក់ឈ្មោះ​ យី​ ប៉ាក​ ភេទស្រី​ អាយុ៤៣ឆ្ នាំរស់នៅភូមិចារលើ ហើយជាទម្លាប់ គាត់ទិញហូបជារៀងរាល់ថ្ងៃ មិនដែលមានបញ្ហាទេ។​ ស្រាប់តែនៅ ថ្ងៃទី២០ ខែកុម្ភ:​ ឆ្នាំ២០១៩ ម្សិលមិញនេះ ក្រោយពីហូបរួច នៅវេលាម៉ោងប្រហែលជា១២ ថ្ងៃត្រង់ ពួកគាត់មានអាការ:វិលមុខ ក្អួតចង្អោរ ហើយត្រូវបានដឹក យកទៅសង្រ្គោះនៅមន្ទីរពេទ្យបង្អែក ស្រុកក្រឡាញ់ ខេត្តសៀមរាប ។

តាមការឲ្យដឹងពីបុគ្គលិកពេទ្យ ប្រជាពលរដ្ឋទាំងនោះ ពុំមានអាការ:ធ្ងន់ធ្ងរទេ ប៉ុន្តែពេលនេះ គ្រូពេទ្យមិនទាន់ឲ្យចេញ ព្រោះនៅតាមដានមើលពីស្ថានភាពជំងឺសិន។ ក្នុងហេតុការណ៍ពុលនេះ គេនៅមិនទាន់ដឹងពីមូលហេតុ នៃការពុលនៅឡើយទេ។​
បើតាមការបញ្ជាក់ពីស្ត្រីអ្នកលក់​ គឺគាត់លក់ជារៀងរាល់ថ្ងៃ មិនដែលមានបញ្ហាអ្វីនោះឡើយ ទើបតែលើកនេះ បែរជាមានអ្នកពុលទៅវិញ ។ ជាមួយគ្នានោះដែរ លោកអធិការនគរបាល ស្រុកព្រះនេត្រព្រះ បានណែនាំដល់អ្នកលក់នំបញ្ចុក ក៏ដូចជាបាញ់សុងទាំងអស់ មេត្តាលៀងបន្លែឲ្យស្អាត និងមានអនាម័យខ្ពស់ ជៀសវាង ប៉ះពាល់ដល់សុខភាពអ្នកទទួលទាន៕

Loading...