កំពតៈ សមត្ថកិច្ច បានប្រាប់ Post News ថា មានករណីគ្រោះថ្នាក់ចរាចរណ៍ សង្ស័យតៃកុងងោកមួយភាំង បានបើករថយន្តធុនធំ ទៅបុកចូលផ្ទះប្រជាពលរដ្ឋ ខណៈម្ចាស់ផ្ទះកំពុងតែដេក ប៉ុន្តែពុំមានអ្នករងរបួសទេ គ្រាន់តែខូចខាតទ្រព្យសម្បត្តិក្នុងផ្ទះប៉ុណ្ណោះ។

រថយន្តខាងលើជារបស់ក្រុមហ៊ុនស៊ីម៉ង់ត៍ CAMEl (សញ្ញារូបអូដ្ឋ)។

ក្រោយកើតហេតុតៃកុង បានរត់ខ្លួនបាត់ ចំណែករថយន្តសមត្ថកិច្ច បានស្ទួចយកទៅរក្សានៅការិយាល័យជំនាញ ដើម្បីកសាងសំណុំរឿង ចាត់ការតាមនិតីវិធី។

កើតឡើងនៅវេលាម៉ោង ០៥ និង១០នាទីព្រឹកថ្ងៃទី២២ ខែកុម្ភ: ឆ្នាំ២០១៩ នៅផ្លូវជាតិលេខ៣ ក្នុងភូមិអណ្តូងខ្មែរ សង្កាត់អណ្តូងខ្មែរ ក្រុងកំពត ខេត្តកំពត៕