Post News Media ព័ត៌មានជាតិ ផ្អើលយប់មិញ! ...

ផ្អើលយប់មិញ! ជនជាតិចិនស្រវឹងស្រា ទាស់សម្ដីគ្នា វាយរថយន្ត និងម៉ូតូ ចតនៅមុខហាង ស៊ីនម៉ាខ្លេយផតឡាយហ្រ្វក់

ភ្នំពេញ: បុរសជនជាតិចិនចំនួន៤នាក់ មិនដឹងស្រវឹងមកពីណាទេ មកវាយរថយន្ត និងម៉ូតូ ដែលចតនៅមុខហាង ហើយបុរសម្នាក់ជាសន្តិសុខ ក៏បានហាមឃាត់ តែបែរជាព្រួតគ្នាវាយគាត់ បណ្ដាលឲ្យរងរបួសយ៉ាងដំណំ។

ហេតុការណ៍នេះ បានកើតទ្បើងនៅវេលាម៉ោង ១០យប់ ថ្ងៃទី២៦ ខែកុម្ភ: ឆ្នាំ២០១៩​ ត្រង់ចំណុចមុខហាង​ ស៊ីនម៉ាខ្លេយផតឡាយហ្រ្វក់​ តាមបណ្តោយផ្លូវមុនីវង្ស​ ស្ថិតក្នុងសង្កាត់បឹងកេងកងទី១​ ខណ្ឌចំកាមន រាជធានីភ្នំពេញ​។

សមត្ថកិច្ច បានឲ្យដឹងថា មុនពេលកើតហេតុគេឃើញ បុរសជនជាតិចិនចំនួន៤នាក់ ក្នុងស្ថានភាពស្រវឹង បានឈ្លោះគ្នា រួចក៏មកវាយរថយន្ត និងម៉ូតូភ្ញៀវ ដែលចតនៅខាងមុខហាង​ ស៊ីនម៉ាខ្លេយផតឡាយហ្រ្វក់។ ​ ភ្លាមនោះសន្តិសុខ ក៏បានចូលទៅឃាត់ ស្រាប់តែពួកគេមកព្រួតវាយ បណ្តាលឲ្យរងរបួសបែកក្បាល។

ក្រោយកើតហេតុសមត្ថកិច្ច បានចុះទៅដល់ទីតាំងខាងលើ និងនាំខ្លួនជនជាតិចិនទាំង៤នាក់​ យកទៅសាកសួរនៅស្នាក់ការប៉ុស្តិ៍នគរបាលបឹកកេងកងទី១ ដើម្បីចាក់ការតាមផ្លូវច្បាប់៕

Loading...