Post News Media ព័ត៌មានជាតិ រថយន្ត​ធុន​ធំ...

រថយន្ត​ធុន​ធំ​ ​ហ្វ្រាំង​មិន​ស៊ី​បុករះរថយន្ត ហើយ​បុក​ចូលផ្ទះ​ប្រជា​ពលរដ្ឋ​ សំណាងហើយ…

ព្រះសីហនុ: នៅវេលា​ម៉ោង​៧ ព្រឹក​ថ្ងៃ​ទី​២០ ខែ​មិនា ឆ្នាំ២០១៩​ មាន​គ្រោះ​ថ្នាក់​ចរាចរណ៍​មួយ នៅ​លើវិថីផែ ជិតស្ថានីយ៍ប្រេងសូគីមិច (កែងរ៉ា) ស្ថិតក្នុងភូមិ៣ សង្កាត់លេខ៣ ក្រុង/ខេត្តព្រះសីហនុ។

​រថយន្តបង្កម៉ាក HYUNDAI ពណ៌ក្រហម​ ស្លាកលេខ ព្រៃវែង 3A-0248 ដឹក​ឥដ្ឋ​ពេញ​ ចុះ​ចំណោត​ពីឃ្លាំងលើ​មក​ផ្លូវ​បំបែក​រ៉ា​ បានបុករថយន្ត​ស្រប​ទិស​គ្នា​ ទី១ម៉ាក LEXUS RX300 ពណ៌ ទឹកមាស ស្លាក​លេខភ្នំពេញ​ 2D-9111 អ្នកបើកបរឈ្មោះ សេក នី ភេទប្រុស អាយុ ៤៨ឆ្នាំ មុខរបររត់តាក់ស៊ី មានទីលំនៅភូមិ១ សង្កាត់លេខ១ ក្រុង/ខេត្តព្រះសីហនុ រួចជ្រុលទៅបុករថយន្តទី២ ម៉ាក LEXUS RX300 ពណ៌ស ស្លាកលេខ​ភ្នំពេញ 2AS-0507 អ្នកបើកបរឈ្មោះ ប៊ុន ធឿន ភេទប្រុស អាយុ ៣៩ឆ្នាំ មុខរបរបើកបររថយន្ត រួមដំណើរជាមួយប្រពន្ធឈ្មោះ ប៊ុន ទី អាយុ ៣៨ឆ្នាំ មុខរបរកម្មករ មានទីលំនៅ ភូមិ១ សង្កាត់លេខ១ ក្រុង/ខេត្តព្រះសីហនុ មានទិសដៅស្របគ្នាទាំងអស់ បណ្ដាលឲ្យរថយន្ត LEXUS RX300 ខ្ទាតទៅបុកនឹងខឿនបែងចែកទ្រូងផ្លូវ បាក់អស់មួយចំនួន ។

ករណីនេះ បណ្ដាលឲ្យ​ឈ្មោះ ប៊ុន ទី រងរបួសស្រាល ត្រូវបានបញ្ជូនទៅព្យាបាលនៅគ្លីនិកសេតេ ។

ក្រោយកើតហេតុ រថយន្តទាំង ៣គ្រឿង ( ធុនធំ១គ្រឿង) សមត្ថកិច្ច​ បាន​ចាត់​ចែងយកមករក្សារទុក នៅការិយាល័យចរាចរណ៍ផ្លូវគោក ដើម្បីធ្វើការដោះស្រាយពេលក្រោយ៕