ផ្ទះ ព័ត៌មានជាតិ បុរស​ម្នាក់​ដ...

បុរស​ម្នាក់​ដែល​អះអាង​ថា​ជា​ម្ចាស់​រថយន្ត​ បាន​ប្រទះ​ឃើញ​រថយន្ត​របស់​ខ្លួន​ដែល​បាត់​កាលពី​ជិត​១០​ឆ្នាំ​

0

ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា បុរស​ម្នាក់​ដែល​អះអាង​ថា​ ជា​ម្ចាស់​រថយន្ត​ បាន​ប្រទះ​ឃើញ​រថយន្ត​របស់​ខ្លួន​ ដែល​បាត់​កាលពី​ជិត​១០​ឆ្នាំ​។​ ហេតុការណ៍​បង្ក​ការ​ភ្ញាក់ផ្អើល​នេះ បានកើតទ្បើងនៅ​ព្រឹក​ថ្ងៃ​ទី​២៥​ ខែមិនា​ ឆ្នាំ​២០១៩​ នៅ​ចំណុច​មុខ​សណ្ឋាគារ​ ឌី​យ៉ា​ម៉​ង់​ ភូមិ​៥​សង្កាត់​ផ្សារ​ថ្មី​ទី​២​ ខណ្ឌដូនពេញ​ រាជធានី​ភ្នំពេញ​។​

​ប្រភព​ពី​សមត្ថកិច្ច​ខណ្ឌដូនពេញ ​បានឱ្យ​ដឹង​ថា ​បុរស​ម្នាក់​ដែល​អះអាង​ថា ​ជា​ម្ចាស់​រថយន្ត​ខាងលើ​ឈ្មោះ​លី​ ហួត​ ភេទ​ ប្រុស​ អាយុ​៨៦​ឆ្នាំ​ បាន​ជិះ​រថយន្ត​តាម​ផ្លូវ​មុន្នី​វង្ស​ មក​ដល់​ចំណុច​មុខ​សណ្ឋាគារ​ ឌី​យ៉ា​ម៉​ង់​ ភូមិ​៥​ សង្កាត់​ផ្សារ​ថ្មី​ទី​២​ខណ្ឌដូនពេញ​ ក៏​ឃើញ​រថយន្ត​ម៉ាក​ High​ Lander​ ពណ៌​ទឹកប្រាក់​ ពាក់​ស្លាក​លេខ​ ភ្នំពេញ​2N-4217​ ​ដែល​ឈ្មោះ​ខាងលើ​អះ​អាង​ថា​ ជា​រថយន្ត​របស់​ខ្លួន​បាន​បាត់​ជិត​១០​ឆ្នាំ​ហើយ​ ចត​នៅ​លើ​ចិញ្ចើម​ផ្លូវ​មុខ​សណ្ឋាគារ​។​ ​ប្រភព​ដដែល​បន្ត​ថា ​ក្រោយ​បុរស​ខាងលើ​ឃើញ​រថយន្ត​ បាន​មក​រាយការណ៍​ប្រាប់​សមត្ថកិច្ច​ ចុះ​ទៅ​សួរនាំ​រក​ម្ចាស់​រថយន្ត​។​

​មន្ត្រី​នគរបាល​ដដែល​បន្ត​ថា​ រថយន្ត​ខាងលើ​មាន​ម្ចាស់​ឈ្មោះ​ Emori​ kenni​ Chiro​ ភេទ​ប្រុស​ ឆ្នាំ​កំណើត​២៥.០២.១៩៥០​ ជនជាតិ​ Japan​ កាន់​លិខិតឆ្លងដែន​ TR3117828​ បាន​អេះ​អាង​ថា ​បាន​ទិញ​រថយន្ត​ពី​ឈ្មោះ​ តឹក​ គា​ ភេទ​ប្រុស​ អាយុ​៣៥​ឆ្នាំ​ រស់នៅ​ភូមិ​ខ្នា​ សង្កាត់​ជ្រាវ​ ក្រុង​ សៀមរាប​ តំ​ម្លៃ​17000$ (​មួយ​ម៉ឺន​ប្រាំពីរ​ពាន់​ដុល្លារ​អា​មេ​រិចក)​ បច្ចុប្បន្នរ​ថយន្ត​ខាងលើ​ សមត្ថកិច្ច​ បានយក​មក​រក្សារ​ទុក​នៅ​ប៉ុស្តិ៍​រង​ចាំ​ភាគី​ទាំង​ពីរ​ធ្វើការ​ដោះ​តាម​ច្បាប់​៕

Leave a Reply

This site uses Akismet to reduce spam. Learn how your comment data is processed.