ផ្ទះ ព័ត៌មានជាតិ គួរឲ្យសង្វេគណ...

គួរឲ្យសង្វេគណាស់! អគ្គិភ័យឆេះផ្ទះជាងកាត់ដេរ ម្ចាស់រលាកភ្លើងរោលខ្លោចពេញខ្លួន បញ្ជួនទៅសង្គ្រោះភ្លាមៗ

0

ព្រះវិហារ: កាលពីវេលាម៉ោងប្រហែល ២ នាទីរំលងអធ្រាត្រឈានចូលថ្ងៃទី ១៣ ខែមេសា ឆ្នាំ ២០១៩ មានករណីអគ្គិភ័យឆេះផ្ទះប្រជាពលរដ្ឋ ត្រង់ចំណុចភូមិត្បែង ឃុំចម្រើន ស្រុកសង្គមថ្មី ខេត្តព្រះវិហារ បណ្តាលឲ្យបុរសម្នាក់ ជាម្ចាស់ផ្ទះ រលាកភ្លើងរោលខ្លោចពេញខ្លួន ត្រូវបានបញ្ជូនទៅសង្គ្រោះនៅមន្ទីរពេទ្យមន្ទីរ។

ម្ចាស់រងគ្រោះផ្ទះ ឈ្មោះ សេក ទ្រី ភេទប្រុស អាយុ ៤៨ឆ្នាំ នៅភូមិត្បែង ឃុំចម្រើន ស្រុកសង្គមថ្មី មុខរបរ ជាងកាត់ដេរ។

សម្ភារ:ខូចខាត៖ ទ្រព្យសម្បត្តិក្នុងផ្ទះឆេះអស់ទាំងស្រុង។ មូលហេតុ៖ ឆ្លង ចរន្តអគ្គិសនី។

ករណីនេះ សមត្ថកិច្ច បានចេញអន្តរាគមន៍រថយន្តពន្លត់អគ្គិភ័យ បាញ់ពន្លត់ ដើម្បីកុំឲ្យឆេះរាលដាលដល់ផ្ទះអ្នកជិតខាង ដោយប្រើប្រាស់ទឹកអស់ចំនួន ១រថយន្ត៕

Leave a Reply

This site uses Akismet to reduce spam. Learn how your comment data is processed.