ត្បូងឃ្មុំ: នៅវេលាម៉ោង២ រំលងអធ្រាត្រថ្ងៃទី១៤ ខែមេសា ឆ្នាំ២០១៩ មានករណីគ្រោះថ្នាក់ចរាចរណ៍ រវាងរថយន្តនិងរថយន្តលើផ្លូវជាតិលេខ៧ ត្រង់ចំណុចចន្លោះបង្គោលគីឡូម៉ែត្រលេខ ១៤៨-១៤៩ ស្ថិតភូមិពណ្ណរាយ សង្កាត់សួង ក្រុងសួង ខេត្តត្បូងឃ្មុំ។

រថយន្តម៉ាក កាមារីបាឡែន គ្មានស្លាកលេខ បើកបរដោយឈ្មោះ សៅ សុធា ភេទប្រុស អាយុ២៥ឆ្នាំ ទីលំនៅភូមិឫស្សី សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង ស្លាប់នៅនឹងកន្លែងកើតហេតុ។ អ្នករួមដំណើរ៣នាក់៖
១-ឈ្មោះ កាន់ សាវី ភេទប្រុស អាយុ៣៣ឆ្នាំ នៅភូមិ១ សង្កាត់៣ ក្រុងព្រះសីហនុ (ស្លាប់នៅកន្លែងកើតហេតុ)
២-ឈ្មោះ លី ផល្លា ភេទប្រុស អាយុ៣០ឆ្នាំ នៅភូមិព្រែកស្តី ស្រុកកោះធំ ខេត្តកណ្តាល (ស្លាប់នៅកន្លែងកើតហេតុ)
៣- ឈ្មោះ ពេជ្រ ពិសិដ្ធ អាយុ២៣ឆ្នាំ នៅភូមិអូតាគាំ១ សង្កាត់តួលតាអែក ក្រុងបាត់ដំបង ខេត្តបាត់ដំបង (របួសធ្ងន់)។

​ចំណែករថយន្តមួយគ្រឿងទៀត ម៉ាកហ៊ីយ៉ាន់ដាយ ២.៥T ពណ៌ស គ្មានស្លាក លេខ អ្នកបើកបរមិនស្គាល់អត្តសញ្ញាណ (ក្រោយកើតហេតុគេចខ្លួន) ធ្វើដំណើរស្របទិសគ្នា។
រថយន្តទាំងពីរគ្រឿង បើកបរពីស្រុកត្បូងឃ្មុំ ទៅស្រុកពញាក្រែក (ពីលិចទៅកើត) មកដល់ចំណុចកើតហេតុ រថយន្តបាឡែនបុកគូទពីក្រោយ។

សម្ភារ:ខូចខាត៖ រថយន្តបាឡែនធ្ងន់ និងហ៊ីយ៉ាន់ដាយស្រាល។ មូលហេតុ៖ ប្រើប្រាស់ល្បឿនសឿន។

ក្រោយកើតហេតុវត្ថុតាងទាំងពីរ ត្រូវបានសមត្ថកិច្ច យកមករក្សាទុកនៅអធិការដ្ឋាននគរបាលក្រុងសួង៕