កំពង់ធំៈ កាលពីវេលាម៉ោង ១១ និង២៤នាទីយប់ថ្ងៃទី១៧ ខែមេសា ឆ្នាំ២០១៩ លើកំណាត់ផ្លូវលំក្រាលកៅស៊ូ ភូមិបវែង ឃុំបន្ទាយស្ទោង ស្រុកស្ទោង ខេត្តកំពង់ធំ មានករណីគ្រោះថ្នាក់ចរាចរណ៍ រថយន្តបុកម៉ូតូ ក្នុងទិសដៅផ្ទុយគ្នា បណ្តាលឲ្យស្លាប់បុរសម្នាក់ ខូចខាតម៉ូតូ និងរថយន្ត ២គ្រឿង។

រថយន្តម៉ាកហ៊ីយ៉ាន់ដាយ ពណ៌លឿង ពាក់ស្លាកលេខគ្មាន អ្នកបើកបរមិនស្គាល់អត្តសញ្ញាណ (គេចខ្លួនបាត់)។ ម៉ូតូម៉ាក ហុងដា NSX(ត្រូវភ្លើងឆេះ) អ្នកបើកបរមិនស្គាល់អត្តសញ្ញាណ ស្លាប់នៅកន្លែងកើតហេតុ (មិនពាក់មួកសុវត្ថិភាព)។

មូលហេតុបឋមៈ អ្នកបើកបររថយន្ត បើកបរមិនប្រកាន់ស្តាំ។

ក្រោយកើតហេតុ វត្ថុតាងរថយន្ត យកមករក្សាទុកនៅអធិការដ្ឋាននគរបាលស្រុកស្ទោង ចំណែកសពអ្នកបើកបរម៉ូតូ យកទៅតម្កល់ទុកនៅវត្តចំបក់កញ្ញា ដើម្បីស្រាវជ្រាវរកក្រុមគ្រួសារ៕