ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា កម្លាំងអធិការដ្ឋាននគរបាលខណ្ឌ៧មករា ឃាត់ជនសង្ស័យម្នាក់ ករណីឆក់ទូរស័ព្ទដៃ កាលពីវេលាម៉ោង១៩និង៣០នាទី ថ្ងៃទី១៩ ខែមេសា ឆ្នាំ២០១៩ បានសម្រេច នៅចំណុចមុខផ្ទះលេខ១០៥ ផ្លូវ២១៤ ក្រុម៣១ ភូមិ ៤ សង្កាត់បឹងព្រលិត ខណ្ឌ៧មករា ។
ជនសង្ស័យឈ្មោះ ជ័យ វឌ្ឍនា ភេទប្រុស អាយុ១៩ឆ្នាំ ជនជាតិខ្មែរមុខរបបសិស្សថ្នាក់ទី១១E វិទ្យាល័យវត្តភ្នំ ទីលំនៅផ្ទះគ្មានលេខ ផ្លូវលំភូមិបឹងឈូកសង្កាត់គីឡូម៉ែត្រលេខ៦ ខណ្ឌឫស្សីកែវ ត្រូវឃាត់ខ្លួនបានរួមទាំងមធ្យោបាយម៉ូតូ ១គ្រឿងម៉ាកនិច ពណ៌ទឹកប្រាក់ ពាក់ស្លាកលេខ ភ្នំពេញ1HF5775 លេខតួ+លេខម៉ាស៊ីន 36469 ។
វត្ថុតាងដកហូតបានរួមមាន ៖ ទូរស័ព្ទដៃម៉ាក (IPHONE MAX) ពណ៌សលេខ1519487117 ។
ជនរងគ្រោះឈ្មោះ ចាង ធីង ភេទស្រី អាយុ៣២ឆ្នាំ ស្នាក់នៅសណ្ឋាគារ ស៊ីមបូទិច ផ្លូវ១៤៣ សង្កាត់វាលវង់ខណ្ឌ៧មករា ។
បច្ចុប្បន្នទូរស័ព្ទបានប្រគល់ឲ្យជនរងគ្រោះវិញ ចំណែកជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌ៧មករា ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធីច្បាប់៕
មតិយោបល់