ព្រះសីហនុៈ (ព័ត៌មានដំណឹងបឋម) តាមសេចក្ដីរាយការណ៍ បានឲ្យដឹងថា មានបងប្អូនជាបុគ្គលិកបម្រើការ នៅកាស៊ីណូ តុងហ្វាមិងជូ (សណ្ឋាគារតោមាស) ក្រុងព្រះសីហនុ នាំគ្នាតវ៉ានៅខាងមុខកន្លែងធ្វើការ វេលាម៉ោងជាង៩យប់ថ្ងៃ៧ ខែឧសភា ឆ្នាំ២០១៩។

តាមការអះអាងពីបុគ្គលិកអ្នកតវ៉ា បាននិយាយថា ខាងក្រុមហ៊ុនមិនព្រមដោះស្រាយកន្លែងស្នាក់នៅ, ទឹកសម្រាប់បុគ្គលិកប្រើប្រាស់ និងមិនទូទាត់ប្រាក់បន្ថែមបំណាច់ឆ្នាំជាដើម។

ក្រោយពីមានសំណើបែបនេះទ្បើង ខាងក្រុមហ៊ុនបែរជាបណ្តេញ មិនអោយបុគ្គលិកចូលធ្វើការទៅវិញ។

យ៉ាងណាមិញករណីនេះ នៅមិនទាន់ស្វែងរកការបញ្ជាក់ពីខាងក្រុមហ៊ុន ដោយសមត្ថកិច្ច កំពុងសម្របសម្រួលដោះស្រាយ៕