ផ្ទះ ព័ត៌មានជាតិ បុរសម្នាក់ពាក...

បុរសម្នាក់ពាក់ខ្សែកមាសទម្ងន់មួយតម្លឹងត្រូវជនសង្ស័យឆក់…

0

ភ្នំពេញ: យោងតាមផេកអគ្គស្នងដ្ឋាននគរបាលជាតិ កាលពីវេលាម៉ោង ៩និង៣០នាទីយប់ថ្ងៃទី២៤ ខែឧសភា ឆ្នាំ២០១៩
កម្លាំង​នគរបាល​ឃាត់ខ្លួន​ជនសង្ស័យ​ម្នាក់​ ករណី​លួច​មាន​ស្ថាន​ទម្ងន់ទោស​ (​ឆក់​ខ្សែ​ក​មាស​)​ ត្រង់ចំណុច​ស្រះ​ទឹក​វត្ត​ជ្រោយ​អំពិល​ ភូមិ​ជ្រោយ​អំពិល​ សង្កាត់​ក្បាលកោះ​ ខណ្ឌ​ច្បារ​អំពៅ​ រាជធានីភ្នំពេញ។

​ជនសង្ស័យ​ឈ្មោះ​ ឌឿ​ន​ ធូ​ ភេទ​ប្រុស​ អាយុ ​៣២​ឆ្នាំ​ ជនជាតិ​ខ្មែរ​មុខរបរ​ជាង​កាត់​កញ្ចក់​ ស្នាក់​នៅ​ភូមិ​ជ្រោយ​អំពិល​២​ សង្កាត់​ក្បាលកោះ​ ខណ្ឌ​ច្បារ​អំពៅរាជធានីភ្នំពេញ​។​

​ជន​រង​គ្រោះ​ឈ្មោះ​ សុខ​ សុ​ផាត​ ភេទ​ប្រុស​ អាយុ​ ៣៩​ឆ្នាំ​ ជនជាតិ​ ខ្មែរ​ មុខរបរ​មេផ្ទះ​ ស្នាក់​នៅ​ភូមិ​តា​ព្រហ្ម​ សង្កាត់​ព្រែក​ឯង​ ខណ្ឌ​ច្បារ​អំពៅ​។​

ដំណើររឿង៖ ​នៅវេលា​ម៉ោង​កើតហេតុជន​រង​គ្រោះ​ បាន​ទៅចូលរួម​កម្មវិធីភូមិកើតហេតុខាងលើ រួច​ជន​រង​គ្រោះ​ក៏​ដើរទៅ​បត់ជើងតូច​នៅ​ជិត​ស្រះ​ទឹក​ក្នុង​វត្ត​ជ្រោយ​អំពិល​ ស្រាប់តែ​ជនសង្ស័យ​ដើរមក​ពីក្រោយ​ចាប់ដៃ​ជន​រង​គ្រោះ​ជាប់​ ពេល​នោះ​ជន​រង​គ្រោះ​ប្រើ​ល្បិច​និយាយ​ថា​ បើ​អ្ហែង​ចង់​ស្រួល​ ចាំ​ខ្ញុំ​ធ្វើ​ឲ្យ​ស្រួល​ ជនសង្ស័យ​ក៏​លែងដៃ​ រួច​ជន​រង​គ្រោះ​ក៏​ធាក់​ជនសង្ស័យ​មួយ​ជើង​ដួល​ទៅ​លើ​ដី​ បន្ទាប់​មក​ជនសង្ស័យ​ងើបឡើង​ក៏​ឆក់​ខ្សែ​ក​មាស​ ទម្ងន់​១​តម្លឹង​ ពី​ក​ជន​រង​គ្រោះ​បាន​សម្រេច​រត់គេច​ខ្លួន​ ពេល​នោះ ​ជន​រង​គ្រោះ​ស្រែក​ចោរៗ​ ក៏​ត្រូវ​បាន​សមត្ថកិច្ច​ល្បាត​ក្បែរ​នោះ​ជួយ​អន្តរាគមន៍​ឃាត់ខ្លួន​បាន​ រួម​និង​វត្ថុ​តាង​ខ្សែ​ក​មាស​ បញ្ជូន​មក​អធិការដ្ឋាន​នគរបាល​ខណ្ឌ​ច្បារ​អំពៅ​ ចាត់ការ​តាម​ច្បាប់​៕

Loading...

Leave a Reply

This site uses Akismet to reduce spam. Learn how your comment data is processed.