ភ្នំពេញៈ កម្លាំងសមត្ថកិច្ចជំនាញការិយាល័យទី១០ នៃមន្ទីរប្រឆាំងគ្រឿងញៀនក្រសួងមហាផ្ទៃ បានចុះស្រាវជ្រាវ និងបង្ក្រាបករណីជួញដូរសារធាតុញៀនដោយខុសច្បាប់ កាលពីវេលាម៉ោង៩ និង ២០នាទីព្រឹកថ្ងៃទី៣ ខែមិថុនា ឆ្នាំ២០១៩ នៅសង្កាត់ផ្សារថ្មីទី១ ខណ្ឌដូនពេញ រាជធានីភ្នំពេញ។

ដោយប្រតិបត្តិការនេះ គឺមានការសម្របសម្រួល ពីព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញផងដែរ។

ជាលទ្ធផលឃាត់ខ្លួនជនសង្ស័យម្នាក់ ឈ្មោះ ម៉ា ចាន់ធី ភេទស្រី អាយុ៣៥ឆ្នាំ មុខរបរសម្អាងការ។

សម្ភារៈដកហូតបានរួមមាន៖ សារធាតុញៀនប្រភេទមេតំហ្វេតាមីន (ICE) ៩៩៩.៥៦ក្រាម (ជិត១គីឡូក្រាម) និងទូរស័ព្ទដៃ១គ្រឿង។

បច្ចុប្បជនសង្ស័យ និងវត្ថុតាង ត្រូវបានសមត្ថកិច្ច កសាងសំណុំរឿង បញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់៕