ផ្ទះ ព័ត៌មានជាតិ សមត្ថកិច្ចឃាត...

សមត្ថកិច្ចឃាត់ខ្លួនជនជាតិចិនជាច្រើននាក់ ពាក់ព័ន្ធករណីចែកចាយរូបភាពអាសអាភាស នៅខេត្តសៀមរាប

0

សៀមរាប: កម្លាំងការិយាល័យស៊ើបអង្កេត និងអនុវត្តនីតិវិធី នាវេលាម៉ោង ៨និង២០នាទីថ្ងៃទី២៩ ខែមិថុនា ឆ្នាំ២០១៩ បានបញ្ជូនជនជាតិចិនចំនួន ៦នាក់ ទៅសាលាដំបូងខេត្តសៀមរាប ពីបទចែកចាយរូបភាព និងសម្ភារ:អាសអាភាសតាមប្រព័ន្ធអ៊ិនធើណេត។
ជាក់ស្តែងកាលពីវេលាម៉ោង ៤និង០០នាទីថ្ងៃទី២៧ ខែមិថុនា ឆ្នាំ២០១៩ កម្លាំងនគរបាលការិយាល័យស៊ើបអង្កេត និងអនុវត្តនីតិវិធី សហការជាមួយកម្លាំងនគរបាលផ្នែកគ្រប់គ្រងជនបរទេស នៃអធិការដ្ឋាននគរបាលក្រុងសៀមរាប ប៉ុស្តិ៍នគរបាលរដ្ឋបាលសង្កាត់ស្វាយដង្គំ ដឹកនាំសម្របសម្រួលនីតិវិធីដោយលោក ជួន សុបញ្ញា ព្រះរាជអាជ្ញារងអមសាលាដំបូងខេត្តសៀមរាប ចុះបង្រ្កាបករណីចែកចាយរូបភាព និងសម្ភារ:អាសអាភាសតាមប្រព័ន្ធអ៊ិនធើណេត និងបានឃាត់ខ្លួនជនសង្ស័យចំនួន ៦នាក់ នៅចំណុចផ្ទះវីឡាជួល ភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប។

សមត្ថកិច្ចបានឲ្យដឹងថា ជនសង្ស័យទាំង ៦នាក់ មាន៖
១- ឈ្មោះ WU SONG ភេទប្រុស អាយុ ២៩ឆ្នាំ ជនជាតិ ចិន មុខរបរ បុគ្គលិកចែកចាយរូបភាពអាសអាភាស
២- ឈ្មោះ LI CHAO ភេទប្រុស អាយុ ២៤ឆ្នាំ ជនជាតិ ចិន មុខរបរ បុគ្គលិកចែកចាយរូបភាពអាសអាភាស
៣- ឈ្មោះ LI HANG ភេទប្រុស កើតថ្ងៃទី ០២-០៣-១៩៩៣ ជនជាតិ ចិន មុខរបរ បុគ្គលិកចែកចាយរូបភាពអាសអាភាស
៤- ឈ្មោះ LI SHAOJIE ភេទប្រុស អាយុ ២៦ឆ្នាំ ជនជាតិ ចិន មុខរបរ បុគ្គលិកចែកចាយរូបភាពអាសអាភាស
៥- ឈ្មោះ GONG LEI ភេទប្រុស អាយុ ៣៣ឆ្នាំ ជនជាតិ ចិន មុខរបរ បុគ្គលិកចែកចាយរូបភាពអាសអាភាស
៦- ឈ្មោះ LI LONGJIE ភេទប្រុស អាយុ ២៥ឆ្នាំ ជនជាតិ ចិន មុខរបរ បុគ្គលិកចែកចាយរូបភាពអាសអាភាស រួមនឹងវត្ថុតាង កុំព្យូទ័រយួដៃ ៥គ្រឿង, ទូរស័ព្ទដៃ ៣០គ្រឿង និងសម្ភារ:វត្ថុតាងមួយចំនួនទៀត៕

មតិយោបល់

Loading...

Leave a Reply

This site uses Akismet to reduce spam. Learn how your comment data is processed.