កណ្ដាល: កាលពីម៉ោង៦ និង៣០នាទីព្រឹកថ្ងៃទី០១ ខែកក្កដា២០១៩ មានករណីហិង្សាដោយចេតនា នៅចំណុចភូមិចុងបង្គោល ឃុំបែកចាន ស្រុកអង្គស្នួល ខេត្តកណ្ដាល។

ជនរងគ្រោះឈ្មោះ យ៉ុម ស្រីពេជ្រ ភេទស្រី អាយុ១៤ឆ្នាំ ជនជាតិខ្មែរមុខរបរលក់ស៊ុប នៅភូមិអណ្តូង ឃុំបែកចានស្រុកអង្គស្នួល ខេត្តកណ្តាល ចំណែកជនសង្ស័យ (ឃាត់ខ្លួន) ឈ្មោះអែល ណាវីន ភេទប្រុស អាយុ៣៥ឆ្នាំ ជនជាតិខ្មែរ មុខរបរលក់ដូងស្នាក់ នៅភូមិចុងបង្គោល ឃុំបែកចាន ស្រុកអង្គស្នួល ខេត្តកណ្តាល។

វត្ថុតាងចាប់យក៖
-ខ្សែភ្លើង ១ខ្សែ
-ច្រវាក់ ១ខ្សែ។
‌‌‌‌‌
ជនរងគ្រោះ ត្រូវបានសង្ស័យចាប់យកមកដាក់ច្រវាក់ និងរទេះ ហើយវាយនិងខ្សែភ្លើង បណ្តាលឲ្យពកថ្ងាស់ និងមានស្នាមជាំលើផ្ទៃមុខច្រើនកន្លែង។

ដំណើររឿង៖ នៅមុនពេលកើតហេតុ ជនរងគ្រោះ និងជនសង្ស័យ បានស្រឡាញ់គ្នាចេញចូល រកគ្នារយ:ពេលប្រហែល១ខែមកហើយ នៅយប់ថ្ងៃទី៣០.០៦.២០១៩ ជនរងគ្រោះ និងជន សង្ស័យបានដេកជាមួយគ្នា នៅផ្ទះជនសង្ស័យ លុះព្រឹកឡើងជនរងគ្រោះងើបទៅផ្សារ ជនសង្ស័យងើបឡើង បាត់ទូរស័ព្ទម៉ាកអាយហ្វូនហ្វាយ និងលុយ១៦ម៉ឺនរៀល ទើបជនសង្ស័យទៅរកឃើញជនរងគ្រោះ ឃើញកំពុងដើរចេញពីផ្សារ ពេលនោះជន សង្ស័យហៅទៅផ្ទះវិញ ពេលដល់ផ្ទះ ក៏បានចាប់ជនរងគ្រោះដាក់ច្រវាក់ ទៅនិងរទេះដឹកដូងរួចយកខ្សែភ្លើងវាយតែម្តង។

តាមការបំភ្លឺរបស់ជនរងគ្រោះ បានឆ្លើយថា ខ្លួនបានស្រឡាញ់គ្នាជិត១ខែមកហើយ តែមិនដែលរួមភេទទេបានត្រឹមឲ្យថើប។ តាមចម្លើយសារភាពរបស់ជនសង្ស័យ បានឆ្លើយថា ខ្លួនបានស្រឡាញ់ គ្នារយ:ពេលប្រហែល១ខែមកហើយ មិនដែលរួមភេទទេ។

ចំពោះករណីនេះ កម្លាំងជំនាញកំពុងបន្តចាត់ការតាមនីតិវិធី៕