ព័ត៌មានជាតិ

(ព័ត៌មានលម្អិតបន្ថែម)៖ ឆេះ​ឃ្លាំង​ស្តុក​ខោអាវ​ជជុះ​ កាលពី​វេលាម៉ោង​១១​និង​៣០​នាទី​យប់​ គិត​មក​ត្រឹម​ម៉ោង​នេះ​ នៅ​តែ​បន្ត​ពន្លត់​នៅឡើយ​

ភ្នំពេញ: យោងតាមផេកនគរបាលជាតិ បានឲ្យដឹងថា គិត​មក​ដល់​ម៉ោង​នេះ​ ១០​និង​៤១​នាទី​ ថ្ងៃ​ទី​២​ ខែកក្កដា​ ឆ្នាំ​២០១៩​ អគ្គិភ័យ​មានការ​ថមថយ​ ប៉ុន្តែ​មិន​ទាន់​រលត់​ទាំងស្រុង​នៅឡើយ​ទេ​ ដោយ​កម្លាំង​សមត្ថកិច្ច​បាន​ប្រើប្រាស់​ឡានទឹក​ចំនួន​៤០​គ្រឿង​ នៅ​ជិត​សាលា​ចិន​ទួន​ហ្វា​ សង្កាត់​អូរ​ឡាំ​ពិ​ក​ ខណ្ឌចម្ការមន​ ក្រុងភ្នំពេញ​ ។​

ទីតាំង​ឃ្លាំង​ ស្តុក​ ខោអាវ​ជជុះ​មួយ​កន្លែង​នៅ​ ជាប់​ សាលារៀន​ទួន​ហ្វា​ ត្រូវ​បាន​អគ្គិភ័យ​ ឆាបឆេះ​តាំងពី​ម៉ោងជាង​១១​យប់​ រាលដាល់​ឆេះ​អស់​ ផ្ទះ​ប្រមាណ​ជា​១២​ ខ្នង​ នៅ​ជាប់ៗ​គ្នា ប៉ុន្តែ​ពុំ​បណ្តាល​ឲ្យ​មាន​មនុស្ស​ណា​ម្នាក់​ រងគ្រោះថ្នាក់​ ដោយ​អគ្គិ​ភ័យ​នោះ​ទេ​ គិត​រហូត​មក​ដល់​ព្រឹក​ថ្ងៃ​ទី​២​ ក​ក្ក​ដា​នេះ​ ភ្លើង​នៅ​មិន​ទាន់​ រលត់​ទាំងស្រុង​នៅឡើយ​ ។​

​សមត្ថកិច្ច​មូល​រដ្ឋ​បាន​ឲ្យ​ដឹង​ថា​ ករណី​គ្រោះ​អគ្គិភ័យ​នេះ​ បាន​កើតឡើង​កាលពី​វេលា​ម៉ោង​១១​និង​៣០​នាទី​ យប់​ថ្ងៃ​ទី​១​ ខែកក្កដា​នេះ​ នៅ​ចំណុច​ជាប់​សាលារៀន​ទួន​ហ្វា​ ផ្លូវ​លេខ​១៧៣​ ក្នុង​សង្កាត់​អូ​ឡាំ​ពិ​ក​ ខណ្ឌ​បឹង​កេងកង​ ។​ តែ​ទោះបីជា​យ៉ាងណា​សមត្ថកិច្ច​នៅ​មិន​ទាន់​បញ្ជាក់​ពី​ចំនួន​ទំហំ​ ខូចខាត​នោះ​នៅឡើយ​ទេ​ ដោយសារ​ភ្លើង​មិន​ទាន់​រលត់​។​

​តាម​ប្រភព​ព័ត៌មាន​បាន​ឲ្យ​ដឹង​នៅ​វេលា​ម៉ោង​១១ ​និង​៣០​នាទី​ យប់​ថ្ងៃ​ទី​១​ ខែកក្កដា​ មាន​អគ្គិភ័យ​ឆេះ​ផ្ទះ​ប្រជាពលរដ្ឋ​រកស៊ី​ស្តុក​ និង​លក់ដូរ​អាវ​ជជុះ​យ៉ាង​សន្ធោសន្ធៅ​ នៅ​ខាងក្រោយ​សាលា​ទួន​ហ្វា​ ក្នុង​សង្កាត់​អូ​ឡាំ​ពិ​ក​ ហើយ​អណ្តាតភ្លើង​បាន​ឆាបឆេះ​រាលដាល់​ដល់​ផ្ទះ​ក្បែ​ខាង​ជា​បន្តបន្ទាប់​ បើ​ទោះបីជា​សមត្ថកិច្ច​ព្យាយាម​អន្តរា​គម​ន៍​បាញ់​ពន្លត់​យ៉ាងណា​ក៏​ដោយ​ ។​

​សមត្ថកិច្ច​បាន​បញ្ជាក់​ថា​ ក្នុង​ហេតុការណ៍​នេះ​ កម្លាំង​មាន​សមត្ថកិច្ច ​និង​ជំនាញ​ផ្នែក​អន្តរាគមន៍​ពន្លត់​អគ្គិភ័យ​ មានការ​ពិបាក​ក្នុង​ការ​ជួយ​ពន្លត់​ជា​ខ្លាំង​ ព្រោះ​ទីតាំង​កើតហេតុ​ មាន​ចន្លោះ​តូច​ចង្អៀត​ និង​ ផ្ទះ​កើតហេតុ​ វា​ងាយស្រួល​ក្នុង​ឆាបឆេះ​ផង​ដែរ​ ទើប​ភ្លើង​កាន់តែ​ឆេះ​ខ្លាំង​ឡើងៗ​ រហូត​អស់​ផ្ទះ​ប្រជាពលរដ្ឋ​ជា​ច្រើន​ខ្នង​បែប​នេះ​។​ ប៉ុន្តែ​ក្នុង​ករណី​អគ្គិភ័យ​នេះ​ ពុំ​មាន​អ្នក​រង​របួស​អ្វី​នោះ​ឡើយ​ ។​ ប៉ុន្តែ​តាម​ព័ត៌មាន​បឋម​ ផ្ទះ​ចំនួន​ ៧​ល្វែង​ ត្រូវ​ឆេះ​ទាំងស្រុង​ និង​ខូចខាត​៥​ល្វែង​។​

ពេល​នេះ​កម្លាំង​សមត្ថកិច្ច​ បាន​យក​អេ​ស្ការ​មក​កាយ​ និង​បន្តសកម្មភាព​បាញ់​ទឹក​បន្ថែម​ឡាន​ទឹកជា​ច្រើន​នៅ​តែ​បន្ត​បាញ់​ពន្លត់​ និង​មក​បន្តបន្ទាប់​ពី​គ្រប់​អង្គភាព​ដើម្បី​ជួយ​គ្រប់គ្រង​ស្ថានភាព​នេះ​ ឲ្យ​បាន​ឆាប់​អគ្គិភ័យ​នៅ​ក្នុង​សង្កាត់​អូ​ឡាំ​ពិ​ក​ គិត​មក​ត្រឹម​ម៉ោង​នេះ​ ក្នុង​ការ​ជួយ​ពន្លត់​ បាន​ប្រើប្រាស់​ឡានទឹក​ចំនួន​៤០​គ្រឿង​ ប្រើប្រាស់​ទឹក​អស់​២០០​ជើង​ ឥឡូវ​នៅ​តែ​បន្ត​ពន្លត់​នៅឡើយ​៕

មតិយោបល់