Post News Media ព័ត៌មានជាតិ អ៊ីរ៉ង់៖ មហាអ...

អ៊ីរ៉ង់៖ មហាអំណាចពិភពលោក នឹងមិនអាចទទួលបានកិច្ចព្រមព្រៀងនុយក្លេអ៊ែរ ដ៏ប្រសើរជាមួយខ្លួនទ្បើយ

អ៊ីរ៉ង់: ក្រុងតេអេរ៉ង់ បានព្រមានមហាអំណាចពិភពលោកថា ពួកគេនឹងមិនអាចចរចារ ស្ដីពីកិច្ចព្រមព្រៀងនុយក្លេអ៊ែរឆ្នាំ ២០១៥ ឲ្យបានល្អប្រសើរនោះទេ ខណ:ដែលអាមេរិក បានប្តេជ្ញាថា សាធារណរដ្ឋអ៊ីស្លាម នឹងមិនអាចទទួលបានការផលិតអាវុធនោះ។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី៩ ខែកក្កដា ឆ្នាំ២០១៩។

អ៊ីរ៉ង់ បានគំរាមកាលពីថ្ងៃច័ន្ទថា នឹងចាប់ផ្តើមបង្កើនការចម្រាញ់សារធាតុអ៊ុយរ៉ានីញ៉ូម ឲ្យបាន ២០ ភាគរយ ដើម្បីជាការផ្លាស់ប្តូរដ៏ធំធេង បន្ទាប់ពីក្រុងវ៉ាស៊ីនតោន បានដកខ្លួនចេញពីកិច្ចព្រមព្រៀង កាលពីឆ្នាំមុន។

សូមជំរាបថា សង្រ្គាមពាក្យវាយប្រហារពាក្យសម្ដី រវាងប្រទេសទាំងពីរចុងក្រោយនេះ បានកើតឡើងនៅថ្ងៃតែមួយ ដែលប្រទេសអ៊ីរ៉ង់ បានចាប់ផ្តើមបង្កើតសារធាតុអ៊ុយរ៉ានីញ៉ូម ដល់៤.៥ ភាគរយ នៅក្នុងការផ្លាស់ប្ដូរដែនកំណត់ នៃកិច្ចព្រមព្រៀងអាវុធឆ្នាំ ២០១៥៕