Post News Media ព័ត៌មានជាតិ ប៉ុនប៉ង​រំលោភ...

ប៉ុនប៉ង​រំលោភ​ប្រពន្ធ​គេ​ ប្តី​ឃើញ​ទាន់​មានអី…

ភ្នំពេញ: កម្លាំង​នគរបាល​ប៉ុស្តិ៍​រដ្ឋបាល​ភ្នំពេញ​ថ្មី​ បាន​ធ្វើការ​ឃាត់ខ្លួន​ជនសង្ស័យម្នាក់ ករណី​ប៉ុនប៉ង​រំលោភ​សេពសន្ថវ:​ នៅ​ចំណុច​ក្នុង​បន្ទប់​សាលា​វិចិត្រសិល្ប:​ ផ្លូវ​បេតុង​ ភូមិ​ពោងពាយ​ សង្កាត់​ភ្នំពេញ​ថ្មី​ ខណ្ឌ​សែន​សុខ​ វេលា​ម៉ោង​ ៥និង​០០​នាទី​ថ្ងៃ​ទី​១៤​ ខែកក្កដា​ ឆ្នាំ​២០១៩​។​

​ជនសង្ស័យឈ្មោះ​ ផ​ន​ រ៉​ន​ ភេទ​ប្រុស​ អាយុ ​២៩​ឆ្នាំ​ ជនជាតិ​ខ្មែរ​ មុខរបរ​កម្មករ​សំណង់​ ស្នាក់​នៅ​ក្នុង​ការដ្ឋាន​សំណង់​សាលា​វិចិត្រសិល្ប:​ ផ្លូវ​បេតុង​ ភូមិ​ពោងពាយ​ សង្កាត់​ភ្នំពេញ​ថ្មី​ ខណ្ឌ​សែន​សុខ​ (​គ្មាន​សារធាតុ​ញៀន​)​ ។​
ជន​រង​គ្រោះ​ឈ្មោះ​ ក​.​ល​ខណ​ អាយុ ​២៧​ឆ្នាំ​ ជនជាតិ​ខ្មែរ​ មុខរបរ​នៅផ្ទះ​ ស្នាក់​នៅ​សាលា​វិចិត្រសិល្ប:​ ផ្លូវ​បេតុង​ ភូមិ​ពោងពាយ​ សង្កាត់​ភ្នំពេញ​ថ្មី​ ខណ្ឌ​សែន​សុខ​ ។​

​សមត្ថកិច្ច​បាន​ឲ្យ​ដឹង​ថា​ មុន​ពេល​កើតហេតុ​ ជន​រង​គ្រោះ​កំពុង​ដេក​ក្នុង​បន្ទប់​នៅ​ចំណុច​កើតហេតុ​ខាងលើ​ ស្រាប់តែ​មាន​ជនសង្ស័យ​ ដើរមក​បើកទ្វារ​បន្ទប់​ជន​រង​គ្រោះ​ ធ្វើ​សកម្មភាព​ចាប់​ជន​រង​គ្រោះ​រំលោភ​ តែ​ត្រូវ​ប្តី​របស់​ជន​រង​គ្រោះ​ឃើញ​ទាន់​ ឃាត់​នាំ​ខ្លួន​ជនសង្ស័យ​ប្រគល់​សមត្ថកិច្ច​ប៉ុស្តិ៍​រដ្ឋបាល​ភ្នំពេញ​ថ្មី​តែ​ម្តង​ ហើយ​ជន​រង​គ្រោះ​បាន​ដាក់​ពាក្យ​ព​ណ្តឹ​ង​ចោទប្រកាន់​ជនសង្ស័យ​ ។​
​បច្ចុប្បន្ន​ ជនសង្ស័យ​កំពុង​ឃាត់ខ្លួន​នៅ​អធិការដ្ឋាន​នគរបាល​ខណ្ឌ​សែន​សុខ​ ដើម្បី​អនុវត្ត​តាម​នីតិវិធី​ ៕