សៀមរាប: យោងតាមផេកនគរបាលជាតិ បានឲ្យដឹងថា ផ្អែកតាមការស្រាវជ្រាវ និងសហការផ្តល់ព័ត៌មានពីសណ្ឋាគារ នាវេលាម៉ោង០៨និង៣០នាទីព្រឹកថ្ងៃទី២០ ខែកក្កដា ឆ្នាំ២០១៩ កម្លាំងការិយាល័យស៊ើបអង្កេត និងអនុវត្តនីតិវិធី បានទៅដល់ចំណុចសណ្ឋាគារ អ៊ីលីសៀម ស្ថិតនៅភូមិកសិកម្ម សង្កាត់ស្រង៉ែ ក្រុង/ខេត្តសៀមរាប បានហៅជនបរទេសម្នាក់ មកសាកសួរនៅការិយាល័យពាក់ព័ន្ធនឹងករណីលួចស្នាក់នៅខុសច្បាប់។
បើតាមមន្ត្រីសមត្តកិច្ចការិយាល័យស៊ើបអង្កេតនិងអនុវត្តនីតិវិធី បានឲ្យដឹងថា៖ ជនបរទេសរូបនេះឈ្មោះ INQOLFSSON INQOLFUR STEINAR ភេទប្រុស ជនជាតិ អ៊ីស្លង់ ចូលមកព្រះរាជាណាចក្រកម្ពុជាកាលពីថ្ងៃទី០៩ មេសា ២០១៩ តាមច្រកព្រលានយន្ត ហោះអន្តរជាតិសៀមរាប ស្នាក់នៅសណ្ឋាគារខាងលើ។
លិខិតឆ្លងដែនបានជ្រុះបាត់កាលពីអំឡុងថ្ងៃទី០៧ ឧសភា ២០១៩ បន្ទាប់ពីបាត់ក៏បានទៅដាក់ពាក្យបណ្តឹងនៅសមត្ថកិច្ច និងបានទទួលឯកសារធ្វើដំណើរពីស្ថានទូតហើយ តែជនបរទេសរូបនេះ មិនបានទៅស្នើសុំទិដ្ឋាការចេញទេព្រោះគ្មានថវិកា សម្រាប់បង់អាករទិដ្ឋាការស្នាក់នៅ ដែលបានផុតសុពលភាព ហើយចំពោះការស្នាក់ នៅហូបចុកប្រចាំថ្ងៃ គឺជំពាក់ខាងសណ្ឋាគារសរុបចំនួន១២០០$។ ទិដ្ឋាការស្នាក់នៅបានផុតសុពលភាព តាំងពីថ្ងៃទី០៩ ឧសភា ២០១៩ រហូតដល់សព្វថ្ងៃ។
បច្ចុប្បន្ន ជនបរទេសរូបនេះត្រូវបានបញ្ជូនទៅស្នាក់ការត្រៀមបណ្តេញចេញប្រចាំខេត្តសៀមរាបដើម្បីចាត់ការបន្តតាមនីតិវិធី៕
មតិយោបល់