ត្បូងឃ្មុំៈ កាលពីវេលាម៉ោង៤ និង៤៥នាទីរសៀលថ្ងៃទី២០ ខែកក្កដា ឆ្នាំ២០១៩ មានករណីមនុស្ស ត្រូវខ្សែភ្លើងឆក់ស្លាប់ នៅចំណុចក្នុងបរិវេនផ្ទះជនរងគ្រោះ ស្ថិតនៅភូមិព្រៃកំពែង ឃុំអញ្ជើម ស្រុកត្បូងឃ្មុំ ខេត្តត្បូងឃ្មុំ។

ជនរងគ្រោះឈ្មោះ លាង យ៉ាត ភេទស្រី អាយុ ៤០ ឆ្នាំ បានយកកាំបិតផ្លែវែង គ្មានដងទៅកាប់ដើមចេក ត្រូវនឹងខ្សែភ្លើងបណ្តាល ឲ្យឆក់ដួលសន្លប់ នៅនឹងកន្លែងកើតហេតុ ខណៈពេលនោះកូនប្រុសឈ្មោះ ឈន់ ស៊ីឈួន អាយុ១៦ឆ្នាំបានស្រែកឆោរឡោ ហៅអ្នកជិតខាងជួយហើយលើកដាក់ រថយន្តនាំយកជនរងគ្រោះទៅសង្គ្រោះនៅមន្ទីរពេទ្យ តែជាអកុសល ជនរងគ្រោះ បានស្លាប់តាមផ្លូវ។

ក្រោយទទួលព័ត៌មានភ្លាម កម្លាងជំនាញនគរបាលស្រុក ចុះត្រួតពិនិត្យ រួចក៏ប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕