Post News Media ព័ត៌មានជាតិ គេចទៅណាក៏មិនរ...

គេចទៅណាក៏មិនរួចដែរ! សមត្ថកិច្ច ឃាត់ខ្លួនជនសង្ស័យម្នាក់ ករណីប្លន់នៅខណ្ឌចំការមន

ព្រៃវែង: នៅវេលាម៉ោង ៤និង១៥នាទីថ្ងៃទី២៤ ខែកក្កដា ឆ្នាំ២០១៩ សមត្ថកិច្ច បានឃាត់ខ្លួនជនសង្ស័យម្នាក់ ជាប់ពាក់ព័ន្ធនឹងករណីប្លន់យកប្រាក់ នៅចំណុចផ្ទះឈ្មោះ យ៉េត ម៉ៅ ភេទប្រុស អាយុ ៣៦ឆ្នាំ ក្នុងភូមិព្រៃចម្ការជើង ឃុំស្វាយជ្រុំ ស្រុកមេសាង ខេត្តព្រៃវែង។

ជនសង្ស័យឈ្មោះ លឹម រតន: ភេទប្រុ អាយុ ៣៧ឆ្នាំ រស់នៅ បូរីពិភពថ្មី ចម្ការដូង រាជធានីភ្នំពេញ ដែលប្រព្រឹត្តកាលពីវេលាម៉ោង ៣ និង២០នាទីរសៀលថ្ងៃទី១៦ ខែកក្កដា ឆ្នាំ២០១៩ កន្លងទៅ នៅចំណុចដងផ្លូវ៣១០ សង្កាត់បឹងកេងកង២ ខណ្ឌចម្ការមន រាជធានីភ្នំពេញ។

វត្ថុតាងដកហូត៖
-ម៉ូតូស្តុបពី ១ គ្រឿង
-ខ្សែកផ្លាកទីន១ ខ្សែ។

ក្រោយឃាត់ខ្លួនជនសង្ស័យ និងភស្តុតាង ត្រូវបានកសាងសំណុំរឿង ទៅឲ្យនាយកដ្ឋាននគរបាលព្រហ្មទណ្ឌក្រសួងមហាផ្ទៃ ចាត់ការតាមនីតិវិធី៕