បាត់ដំបង: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា កាលពីថ្ងៃទី២៦ ខែកក្កដា ឆ្នាំ២០១៩ វេលាម៉ោងចន្លោះ ០៨និង៣០នាទីដល់ ១០និង០០នាទី មានចោរមួយក្រុម បានលួចគាស់ទ្វារផ្ទះ ចូលលួចសម្ភារ ត្រង់ចំណុចក្រុមទី១៥ ភូមិអូរតាគាំ១ សង្កាត់ទួលតាឯក ក្រុងបាត់ដំបង ។
សមត្ថកិច្ចបានរាយការណ៍ឲ្យដឹងថា ជនរងគ្រោះឈ្មោះ គិម សុទ្ធារី ភេទស្រី អាយុ ៤០ឆ្នាំ មានទីលំនៅភូមិសង្កាត់ខាងលើ (ម្ចាស់ផ្ទះចាក់សោរទៅធ្វើការ) សម្ភារ:បាត់បង់រួមមាន៖
ចិញ្ជៀនពេជ្រចំនួន២វង់
ខ្សែដៃប្លាកទីនចំនួន១
ខ្សែកពេជ្រចំនួន១
ខ្សែកប្លាកទីនចំនួន៣
ប្រាក់ដុល្លារចំនួន $១៥០០ និងប្រាក់ខ្មែរចំនួន ១.០០០.០០០រៀល សរុបជាទឹកប្រាក់ចំនួន ១៥.០០០ដុល្លារ។
ករណីនេះ សមត្ថកិច្ចជំនាញ កំពុងធ្វើការស្រាវជ្រាវបន្តវែករកមុខជនសង្ស័យ ដើម្បីយកមកផ្តន្ទាទោសតាមច្បាប់៕
មតិយោបល់