ព្រះវិហារៈ នាថ្ងៃទី១៩ ខែកក្កដា ឆ្នាំ២០១៦ មន្រ្ដីសង្កាត់រដ្ឋបាលព្រៃឈើគូលែននៃផ្នែករដ្ឋបាលព្រៃឈើត្បែងមានជ័យ និងសង្កាត់រដ្ឋបាលព្រៃឈើកំពង់ស្រឡៅម្លូព្រៃ ផ្នែករដ្ឋបាលព្រៃឈើឆែប បានសហការជាមួយកម្លាំងស្នងការនគរបាលខេត្ត អធិការនគរបាលស្រុកគូលែន និងអធិការនគរបាលស្រុកឆែប ស្ទាក់ចាប់ឃាត់បានរថយន្ត ម៉ាក LEXUS (RX330) ចំនួន ០២គ្រឿង ដឹកជញ្ជូនឈើក្រញូងខុសច្បាប់។
រថយន្តដែលសមត្ថកិច្ចចាប់បាននោះ ទី១ រថយន្តលុចស៊ីស ពណ៌ទឹកប្រាក់ ពាក់ស្លាកលេខ ខេមរភូមិន្ទ01 2-9204 ផ្ទុកឈើគ្រាក់ក្រញូងចំនួន ១២៩ដុំ ស្មើនឹង ០,៣៦៦ម៉ែត្រត្រីគុណ ត្រូវបានកម្លាំងសមត្ថកិច្ចចាប់បាននៅចំនុចក្នុងវត្តគូលែនត្បូង ស្ថិតក្នុងភូមិគូលែនត្បូង ឃុំគូលែនត្បូង ស្រុកគូលែន ម្ចាស់រថយន្តល្មើសបានរត់គេចខ្លួន ខណ្ឌរដ្ឋបាលព្រៃឈើព្រះវិហារបានស្ទូចរថយន្តនោះ មករក្សាទុកនៅទីចាត់ការខណ្ឌរដ្ឋបាលព្រៃឈើព្រះវិហារដើម្បីចាត់ការតាមនីតិវិធី។
ទី២ រថយន្តលុចស៊ីសពណ៌ទឹកប្រាក់ ពាក់ស្លាកលេខ ភ្នំពេញ 2AG-8086 ផ្ទុកឈើគ្រាក់ក្រញូងចំនួន ៥៥ដុំ ស្មើនឹង ០,៥២៨ម៉ែត្រត្រីគុណ ត្រូវបានសមត្ថកិច្ចស្ទាក់ចាប់បាននៅចុងភូមិម្លូព្រៃមួយ ឃុំម្លូព្រៃមួយ ស្រុកឆែប ផ្លូវជាតិលេខ៩ ម្ចាស់រថយន្តបានរត់គេចខ្លួន រីឯវត្ថុតាងល្មើសខាងលើត្រូវបានកម្លាំងសង្កាត់រដ្ឋបាល ព្រៃឈើកំពង់ស្រឡៅម្លូព្រៃ បញ្ជូនយកមករក្សាទុកនៅស្នាក់ការផ្នែករដ្ឋបាលព្រៃឈើឆែបដើម្បីស្រាវជ្រាវ និងចាត់ការតាមនីតិវិធី៕
![photo_2016-07-19_19-06-21 photo_2016-07-19_19-06-21](http://i0.wp.com/postnews.com.kh/wp-content/uploads/2016/07/photo_2016-07-19_19-06-21.jpg?w=421&h=313&ssl=1)
![photo_2016-07-19_19-06-24 photo_2016-07-19_19-06-24](http://i0.wp.com/postnews.com.kh/wp-content/uploads/2016/07/photo_2016-07-19_19-06-24.jpg?w=211&h=158&ssl=1)
![photo_2016-07-19_19-06-27 photo_2016-07-19_19-06-27](http://i0.wp.com/postnews.com.kh/wp-content/uploads/2016/07/photo_2016-07-19_19-06-27.jpg?w=211&h=151&ssl=1)
![photo_2016-07-19_19-06-33 photo_2016-07-19_19-06-33](http://i0.wp.com/postnews.com.kh/wp-content/uploads/2016/07/photo_2016-07-19_19-06-33.jpg?w=171&h=93&ssl=1)
![photo_2016-07-19_19-06-35 photo_2016-07-19_19-06-35](http://i0.wp.com/postnews.com.kh/wp-content/uploads/2016/07/photo_2016-07-19_19-06-35.jpg?w=124&h=93&ssl=1)
![photo_2016-07-19_19-06-38 photo_2016-07-19_19-06-38](http://i0.wp.com/postnews.com.kh/wp-content/uploads/2016/07/photo_2016-07-19_19-06-38.jpg?w=172&h=93&ssl=1)
![photo_2016-07-19_19-06-43 photo_2016-07-19_19-06-43](http://i0.wp.com/postnews.com.kh/wp-content/uploads/2016/07/photo_2016-07-19_19-06-43.jpg?w=157&h=93&ssl=1)
មតិយោបល់