ភ្នំពេញៈ កាលពីវេលាម៉ោង ១១ និង៤០នាទីយប់ថ្ងៃទី០៧ ខែសីហា ឆ្នាំ២០១៩ កម្លាំងប៉ុស្តិ៍រដ្ឋបាលទឹកថ្លា បានធ្វើការឃាត់ខ្លួនជនសង្ស័យម្នាក់ ករណីប៉ុនប៉ងឃាតកម្ម បង្កឡើងដោយសហព័ទ្ធ (ប្តីប្រើអាវុធខ្លី ម៉ាកK៥៩ បាញ់ប្រពន្ធ) នៅចំណុចតាមផ្លូវលំ ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ។

ជនសង្ស័យឈ្មោះ ឆោម ចំណាន ភេទប្រុស អាយុ៣៩ឆ្នាំ ជនជាតិខ្មែរ មុខរបរយោធាភូមិភាគ៥ ស្នាក់នៅភូមិសាលាដែង ឃុំឬស្សីក្រោក ស្រុកមង្គល់បូរី ខេតបាត់ដំបង (គ្មានសារធាតុញៀន) ។ ជនរងគ្រោះ ឈ្មោះ ជា បតី (ជា គឹមឡាង) ភេទស្រី អាយុ៣៥ឆ្នាំ ជនជាតិខ្មែរ មុខរបរលក់ខោអាវ នៅផ្សារចិនណាន់ ស្នាក់នៅផ្ទះគ្មានលេខ ផ្លូវបេតុង ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ (របួសដើមដៃខាងឆ្វេង , ពោះទឹកខាងឆ្វេង , លើស្មាខាងស្តាំ , លើពោះទឹកខាងស្តាំ ) ។

សម្ភារៈបន្សល់ទុក ៖ អាវុធខ្លី០១ដើម ម៉ាកK59 លេខ២៤០៣ , សំបកគ្រាប់០៧គ្រាប់ , ក្បាលគ្រាប់០១គ្រាប់ ។

ដំណើររឿង ៖ មុនពេលកើតហេតុ ជនសង្ស័យ(ជាប្តី) បានទូរសព្ទ័ហៅជនរងគ្រោះ (ជាប្រពន្ធ) មកជួបខ្លួន នៅចំណុចខាងលើ ពេលជនរងគ្រោះមកដល់ ជនសង្ស័យបានដើរទៅរថយន្តរបស់ខ្លួន យកកាំភ្លើងខ្លីK59 ពីក្នុងរថយន្តអាមេបញ្ចូលគ្រាប់ បាញ់សំដៅទៅលើជនរងគ្រោះចំនួន ០៧គ្រាប់ តែត្រូវចំជនរងគ្រោះចំនួន០៤គ្រាប់ បណ្តាលឲ្យរងរបួសធ្ងន់ ត្រូវបានបញ្ជូននៅមន្ទីរពេទ្យកាល់ឡឺម៉ែតភ្លាមៗ។

បន្ទាប់ជនសង្ស័យ បានឡើងបើករថយន្តគេចខ្លួន តែត្រូវកម្លាំងល្បាតរបស់អធិការដ្ឋាននគរបាលខណ្ឌសែនសុខ ឃើញហេតុការណ៍ ធ្វើការដេញតាមចាប់បានជនសង្ស័យ ឃាត់ខ្លួនយកមកសាកសួរ នៅអធិការដ្ឋាននគរបាល ខណ្ឌសែនសុខ។

បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕