សៀមរាប: យោងតាមផេកនគរបាលជាតិ បានឲ្យដឹងថា នៅវេលាម៉ោង១១ព្រឹកថ្ងៃទី១៩ ខែសីហា ឆ្នាំ ២០១៩ កម្លាំងការិយាល័យស៊ើបអង្កេត និងអនុវត្តនីតិវិធី បានទទួលជនបរទេសម្នាក់ ពីកម្លាំងផ្នែកគ្រប់គ្រងជនបរទេស នៃអធិការដ្ឋាននគរបាលក្រុងសៀមរាប ពាក់ព័ន្ធនឹងករណីលួចស្នាក់នៅខុសច្បាប់។
តាមការបញ្ជាក់ពីកម្លាំងការិយាល័យស៊ើបអង្កេត និងអនុវត្តនីតិវិធី បានឲ្យដឹងថាជនបរទេសរូបនេះឈ្មោះ PARSONS THOMAS ភេទប្រុស កើតថ្ងៃទី០២ ខែ១១ ឆ្នាំ១៩៤៥ ជាជនជាតិអង់គ្លេស ទិដ្ឋាការស្នាក់នៅផុតសុពលភាពថ្ងៃទី២១ ខែ១២ ឆ្នាំ២០១៨ មុខរបរចូលនិវត្តន៍ ស្នាក់នៅបន្ទប់ជួល ភូមិគ្រួស សង្កាត់ស្វាយដង្គំ ក្រុង/ខេត្តសៀមរាប។
ដោយជនបរទេសរូបនេះ មានជំងឺលើសឈាម (ស្លាប់មួយចំហៀងខ្លួន)សមត្ថកិច្ចមិនអាចសាកសួរលំអិតបាន។ បច្ចុប្បន្នជនបរទេសរូបនេះ ត្រូវបានបញ្ជូនទៅស្នាក់ការត្រៀមបណ្តេញចេញប្រចាំខេត្តសៀមរាប ចាត់ការបន្តតាមនីតិវិធី ៕
មតិយោបល់