កណ្ដាលៈ មុខសញ្ញាជួញដូរ និងប្រើប្រាស់គ្រឿងញៀនចំនួន២នាក់ ត្រូវបានកម្លាំងប៉ុស្តិ៍នគរបាលរដ្ឋបាលពើកឃាត់ខ្លួនកាលពីវេលាម៉ោង៥និង៣០នាទីល្ងាចថ្ងៃទី២០ ខែកក្កដា ឆ្នាំ២០១៦ ចំណុចក្នុងផ្ទះជនល្មើសភូមិត្រពាំឈើនាង ឃុំពើក ស្រុកអង្គស្នួល ខេត្តកណ្តាល។

ជនសង្ស័យទី១.ឈ្មោះ កាយ កុម្ភៈ ភេទប្រុស អាយុ២៧ឆ្នាំ ជនជាតិខែ្មរ មុខរបរកសិករនៅត្រពាំងឈើនាង ឃុំពើក ស្រុកអង្គស្នួល ខេត្តកណ្ដាល។ ជនសង្ស័យធ្លាប់ជាប់គុក២លើក ពីបទចោរកម្ម និងហិង្សាដោយចេតនា។ ទី២.ឈ្មោះ តន តាន់ ភេទប្រុស អាយុ១៧ឆ្នាំជនជាតិខ្មែ មុខរបរកសិករ នៅភូមិត្រពាំងឈើនាង ឃុំពើក ស្រុកអង្គស្នួល ខេត្តកណ្ដាល។

ក្រោយឃាត់ខ្លួនសមត្ថកិច្ចដកហូតវត្ថុតាងរួមមាន ៖ -ថ្នាំម្សៅពណ៌សថ្លា (ម៉ាទឹកកក) ០៤កញ្ចប់ (កញ្ចប់ធំ០១ មធ្យម០១ តូច០២) -ដែកកេះ ០៥ កូនកន្ត្រៃ០២ កូនកាបូបដៃ០១ ថង់វេចខ្ចប់ និងឧបករណ៍ប្រើប្រាស់មួយចំនួន។

បច្ចុប្បន្នជនសង្ស័យទាំង០២នាក់ ត្រូវបានបញ្ជូនទៅអធិការដ្ឋានខេត្តដើម្បីចាត់ការបន្តតាមនីតិវិធី៕