ប្រេស៊ីលៈ របាយការណ៍ភ្នាក់ងារ Agencia Brasil បានឲ្យដឹងថា អ្នកជំនាញសន្តិសុខនុយក្លេអ៊ែរជិត ៣០០ នាក់ នឹងត្រូវដាក់ពង្រាយ សម្រាប់ការប្រកួតកីឡាអូឡាំពិកនាពេលខាងមុខនេះ។ នេះបើយោងតាមរយៈ សារព័ត៌មានចិនស៊ិនហួរ ចេញផ្សាយនៅថ្ងៃទី២១ ខែកក្កដា ឆ្នាំ២០១៦។

ភ្នាក់ងារសន្ដិសុខនុយក្លេអ៊ែរនេះ បានហ្វឹកហាត់ការពារជាតិវិទ្យុសកម្ម ត្រូវបានដាក់ពង្រាយផងដែរ កាលពីកីឡាបាល់ទាត់ World Cup ឆ្នាំ ២០១៤ កន្លងទៅ។

ទីភ្នាក់ងារនេះ បាននិយាយថា ” ភ្នាក់ងារសន្តិសុខជិត ៣០០ នាក់ មកពីគណៈកម្មាធិការនុយក្លេអ៊ែរជាតិ (CNEN) នឹងត្រូវបានចូលរួមនៅក្នុងការប្រកួតកីឡាអូឡាំពិក និងកីទ្បាប៉ារ៉ា នៅទីក្រុង Rio ក្នុងឆ្នាំ ២០១៦”។

បើតាមទីភ្នាក់ងារនេះ បានឲ្យដឹងបន្ថែមថា ” ការងាររបស់ពួកគេនឹងផ្តោតលើការការពារ និងការកំណត់អត្តសញ្ញាណនៃហានិភ័យនុយក្លេអ៊ែរ ព្រមទាំងស្ថានភាពសង្គ្រោះបន្ទាន់ ដូចជាការឆ្លើយតបទៅនឹងឧប្បត្តិហេតុជាដើម”។

ប្រកួតកីឡាអូឡាំពិកនេះ នឹងចាប់ផ្តើផ្លូវការជាមួយការបើកកម្មវិធីនៅថ្ងៃទី ៥ និងបន្តដល់ថ្ងៃទី ២១ ខែសីហា ហើយកីទ្បាប៉ារ៉ា នឹងប្រារព្ធឡើងនៅថ្ងៃទី ៧ ដល់ ១៨ ខែកញ្ញាខាងមុខនេះ៕