សៀមរាបៈ យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា ជនសង្ស័យចំនួន ៤៨នាក់ ពាក់ព័ន្ធករណីរក្សាទុក ជួញដូរ ចាត់ចែង និងប្រើប្រាស់ដោយខុសច្បាប់នូវសារធាតុញៀន ត្រូវបានកម្លាំងនគរបាលការិយាល័យប្រឆាំងគ្រឿងញៀន ឃាត់ខ្លួនកាលពីរសៀលថ្ងៃទី០៩ ខែកញ្ញា ឆ្នាំ២០១៩ នៅចំណុចដីឡូត៍ទុកចោលមួយកន្លែង ស្ថិតក្នុងក្រុមទី០១ ភូមិវត្តស្វាយ សង្កាត់សាលាកំរើក ក្រុង /ខេត្តសៀមរាប។
សមត្ថកិច្ចបានឲ្យដឹងថា ឃាត់ខ្លួនជនសង្ស័យចំនួន៤៨នាក់ ធ្វើតេស្តទឹកនោម វិជ្ជមាន៤៦នាក់ និង០២នាក់ អវិជ្ជមាន ប៉ុន្តែជនសង្ស័យទាំង២នាក់នោះ គឺជាអ្នកជិះម៉ូតូចូលមករកទិញថ្នាំញៀន។
ដកហូតវត្ថុតាងរួមមាន៖ ម្សៅមេតំហ្វេតាមីនសរុប២០ កញ្ចប់, ស្មើនឹងទំងន់០៤ក្រាម និងឧបករណ៍ប្រើប្រាស់មួយចំនួនទៀត។ បច្ចុប្បន្នសមត្ថកិច្ច កំពុងសាកសួរយកចម្លើយ និងកសាងសំណុំរឿង ដើម្បីចាត់ការតាមនីតិវិធី៕
មតិយោបល់