​មាន​ព័ត៌មាន​ជាច្រើន​បាន​ចុះផ្សាយ​ថា iPad mini ជំនាន់​ថ្មី​អាច​នឹង​ត្រូវ​ពន្យារ​ពេល​ដល់​ឆ្នាំ ២០១៤ ប៉ុន្តែ​នៅពេល​នេះ សារព័ត៌មាន Phone Arena បាន​ចុះផ្សាយ​ថា iPad mini ជំនាន់​ថ្មី​នឹង​មាន​អេក្រង់ Retina Display ហើយ​ចេញ​នៅ​ចុងឆ្នាំ​នេះ​។​

​ប្រភព​ព័ត៌មាន​ខាងលើ​បានបញ្ជាក់​ថា ក្រុមហ៊ុន Apple នឹង​បង្ហាញ iPad min អេក្រង់ Retina Display ដែល​ជា​ការផ្គត់ផ្គង់រ​បស់ Samsung នៅក្នុង​ត្រីមាស​ទី​៤ ឆ្នាំ ២០១៣ ប៉ុន្តែ​សម្រាប់​​កាលរិច្ឆេទ​មិនទាន់​ដឹង​ច្បាស់​នោះ​ទេ​។​
​មុននេះ មាន​ព័ត៌មាន​ចុះផ្សាយ​ថា ក្រុមហ៊ុន LG Display និង Sharp ជា​អ្នក​ផ្គត់ផ្គង់​បន្ទះ​អេក្រង់​ឲ្យ​ក្រុមហ៊ុន Apple ប៉ុន្តែ​សម្រាប់​តែ​នៅពេលនេះ បែប​ជា​ធ្លាយ​ព័ត៌មាន Samsung ជា​អ្នក​ផ្គត់ផ្គង់​ទៅវិញ​។​

​គួរ​បញ្ជាក់​ផង​ដែរ​ថា នៅ​មុនពេល​ដែល​ក្រុមហ៊ុន Apple និង​Samsung កើត​មាន​ជម្លោះ​គឺ​ក្រុមហ៊ុន Samsung ជា​អ្នក​ផ្គត់ផ្គង់​ធំ​ជាង​គេ​ដល់ Apple ជាពិសេស​គឺ​បន្ទះ​អេក្រង់ Retina Display នេះ​តែម្ដង​៕
​