បាត់ដំបង: ករណីហិង្សាដោយចេតនា កើតឡើងនៅក្នុងគ្រួសារមួយ រវាងកូនបង្កើត យកកាំបិតកាប់អ្នកមានគុណ បណ្តាលឲ្យរងរបួសធ្ងន់ធ្ងរ រួចរត់គេចខ្លួន កាលពីថ្ងៃទី២២ ខែកញ្ញា ឆ្នាំ ២០១៩ ត្រង់ចំណុចត្រាំសសរ ភូមិឆាយរំពាត់ ឃុំកន្ទឺ២ ស្រុកបាណន់ ខេត្តបាត់ដំបង។

ជនសង័្សយឈ្មោះ លុយ សុធី (ហៅជយ) ភេទប្រុស អាយុ ២៦ឆ្នាំ និងជនរងគ្រោះទី១/ឈ្មោះ លុយ វ័រ ភេទប្រុស អាយុ ៦៧ឆ្នាំ (ឪពុក) រងរបួសធ្ងន់ ត្រូវត្រង់ក្បាល និងទី២/ឈ្មោះ ស៊ុន ភាន ភេទស្រី អាយុ ៦២ឆ្នាំ (ម្ដាយ) រងរបួសស្រាល អ្នកទាំងបីរស់នៅភូមិ ឃុំកើតហេតុ។

ក្រោយកើតហេតុ នៅថ្ងៃទី២៣ ខែកញ្ញា ឆ្នាំ២០១៩ លោក ប៉ាន់ វណ្ណនី អធិការនគរបាលស្រុកបាណន់ បានធ្វើការស្រាវជ្រាវ រហូតឃាត់ខ្លួនជនសង័្សយ ព្រមទាំងវត្ថុតាងកាំបិតផងដែរ។

បច្ចុប្បន្នជនសង្ស័យ រួមទាំងវត្ថុតាង ត្រូវបានសមត្ថកិច្ចបញ្ជូនទៅសាលាដំបួងខេត្ត ដើម្បីចាត់ការតាមផ្លូវច្បាប់។

សូមបញ្ជាក់៖ សមត្ថកិច្ច អះអាងថា ជនសង្ស័យជាមនុស្ស មានស្មារតីមិនគ្រប់៕