ព្រះសីហនុ: ជនសង្ស័យចំនួន៤នាក់ត្រូវបានកម្លាំងការិយាល័យបទល្មើសគ្រឿងញៀនអាវុធហត្ថខេត្តព្រះសីហនុបានក៏សាងសំណុំរឿងបញ្ជូនខ្លួន រួមនឹងវត្ថុតាងទៅសាលាដំបូងខេត្តព្រះសីហនុ កាលពីរសៀលថ្ងៃទី២៣កក្កដា ពាក់ពន្ធ័ករណីរក្សាទុកជួញដូរនិងប្រើប្រាស់ខុសច្បាប់នូវសារធាតុញៀន ក្រោយបង្រ្កាបបាននៅថ្ងៃទី២១ ខែកក្កដា ឆ្នាំ២០១៦ នៅក្រុម១៧ ភូមិ៥ សង្កាត់៤ ក្រុងព្រះសីហនុ។
ប្រភពឲ្យដឹងថា ជនសង្ស័យចំនួន៤នាក់ ទី១-ឈ្មោះ លី ភូ ភេទប្រុស អាយុ៣៧ឆ្នាំ ជនជាតិវៀតណាម មុខរបរកម្មករសំណង់ ។ ទី២-ឈ្មោះ ដុង ឌឹកហុង ភេទប្រុស អាយុ៥៥ឆ្នាំ ជនជាតិវៀតណាម មុខរបរមិនពិតប្រាកដ។ ទី៣-ឈ្មោះ គឹម ឌី ហៅណាំ ភេទប្រុស អាយុ៤៩ឆ្នាំ ជនជាតិវៀតណាម មុខរបររត់ម៉ូតូឌុប។ ទី៤-ឈ្មោះ តាន់ ផេង ភេទប្រុស អាយុ២៨ឆ្នាំ មុខរបរមិនពិតប្រាកដ ជនសង្ស័យខាងលើស្នាក់នៅកន្លែងកើតហេតុ។
ក្រោយប្រតិបត្តិការខាងលើនេះ កម្លាំងកងរាជអាវុធហត្ថដកហូតវត្ថុតាងរួមមាន៖ ម្សៅសថ្លា១៧កញ្ចប់តូច ១កញ្ចប់ធំស្មើនិង៤,៨g ដបជក់ចំនួន២ ទុយោចំនួន២ដើម ដែកកេះចំនួន១៧ ម៉ូតូ១គ្រឿង ម៉ាកអ៊ែលប្លេតពណ៌ស្ករ ទូរស័ព្ទចំនួន៤គ្រឿង និងប្រាក់រៀលចំនួន១៩.៥០០រៀល។
បច្ចុប្បន្ន ជនសង្ស័យ៤នាក់ខាងលើត្រូវបានកម្លាំកងរាជអាវុធហត្ថបញ្ជូនទៅតុលាការចាត់កាបន្តតាមនិតិវិធី៕
មតិយោបល់