ផ្ទះ ព័ត៌មានជាតិ Update៖ រថយន្...

Update៖ រថយន្តដឹកទឹកកកបុកពីក្រោយម៉ូតូខ្ទាតជិត១០០ម៉ែត្រ ស្លាប់យោធាម្នាក់ទាំងព្រលឹម

0

ភ្នំពេញ: រថយន្តដឹកទឹកកកបុកពីក្រោយម៉ូតូខ្ទាតជិត១០០ម៉ែត្រ ស្លាប់យោធាម្នាក់ទាំងព្រលឹម ខណ:ដែលគាត់ជិះម៉ូតូធ្វើដំណើរសំដៅទៅខណ្ឌជ្រោយចង្វារ កាលពីវេលាម៉ោង ៧និង៣០នាទីព្រឹក ថ្ងៃទី៩ ខែតុលា ឆ្នាំ២០១៩ ស្ថិតតាមបណ្តោយមហាវិថីឈ្នះឈ្នះចំណុចមុខវត្តអង្គក្រពើក្នុងភូមិត្រពាំងវែង សង្កាត់គោករការ ខណ្ឌព្រែកព្នៅ រាជធានីភ្នំពេញ ។

យោធាដែលបាត់បង់ជីវិតនោះឈ្មោះ ណៃ នី ភេទប្រុស អាយុ ៤៣ឆ្នាំ ស្នាក់នៅឃុំបែកចាន ស្រុកអង្គស្នួល ខេត្តកណ្តាល មានស្រុកកំណើតនៅ ឃុំតាលាស់ ស្រុកមោង ខេត្តបាត់ដំបង ជិះម៉ូតូម៉ាកឌ្រីម ពណ៌ខ្មៅ ស៊េរីឆ្នាំ២០១៧ ពាក់ស្លាកលេខ ភ្នំពេញ1GD 7703។
ជនសង្ស័យបើករថយន្តបង្កឈ្មោះ ប៊ន វីន ភេទប្រុស អាយុ ២៤ឆ្នាំ មុខរបរបើករថយន្ត ស្នាក់នៅភូមិចំបក់ ឃុំវែងឬស្សី ស្រុកជាយក្រែង ខេត្តសៀមរាប បើករថយន្តកូរ៉េ ពណ៌ស ដឹកទឹកកក ពាក់ស្លាកលេខ ភ្នំពេញ 2AA-3164។

តាមប្រភពព័ត៌មាននៅកន្លែងកើតហេតុបានឲ្យដឹងថា នៅមុនពេលកើតហេតុបុរសជាយោធាខាងលើ បានបើកម៉ូតូតាមបណ្តោយ មហាវិថីឈ្នះឈ្នះទិសដៅ ពីលិចទៅកើតលុះមកដល់ចំណុចកើតហេតុ ស្រាប់តែរថយន្តកូរ៉េដឹកទឹកកកបើកស្របទិសគ្នាពីក្រោយក្នុងល្បឿនលឿន បានជ្រុលបុកពីក្រោយបណ្តាលឲ្យរុញទៅមុខខ្ទាតជិត១០០ម៉ែត្រ ស្លាប់បុរសជាយោធាភ្លាមៗនៅកន្លែងកើតហេតុ។
តាមប្រភពព័ត៌មានពីស្ត្រីជាប្រពន្ធជនរងគ្រោះឲ្យដឹងថា ប្តីរបស់គាត់មុនពេលកើតហេតុបានធ្វើដំណើរចេញពីឃុំបែកចាន ស្រុកអង្គស្នួល សំដៅទៅវិមានឈ្នះឈ្នះ ព្រោះមានការជួបជុំមួយនៅទីនោះ តែគាត់មិនដឹងថា ជួបជុំរឿងអ្វីទេព្រោះជាការងាររបស់ប្តីតែអកុសល ទៅមិនទាន់ដល់ផងក៏ជួបរឿងបែបនេះទៅវិញ។

ក្រោយកើតហេតុសមត្ថកិច្ចបានវាស់វែងយកម៉ូតូរថយន្ត និងអ្នកបើករថយន្តទៅស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធី រីឯសពប្រគល់ជូនគ្រួសារយកទៅធ្វើបុណ្យ៕

Loading...

Leave a Reply

This site uses Akismet to reduce spam. Learn how your comment data is processed.