កំពង់ស្ពឺ: យោងតាមផេកការិយាល័យផ្សព្វផ្សាយ តាមបណ្តាញសង្គម បានឲ្យដឹងថា នៅលើកំណាត់ផ្លូវជាតិលេខ ៤ ស្ថិតនៅចំណុចគីឡូម៉ែត្រលេខ ៤៦-៤៧ នាព្រឹកថៃ្ងទី០៧ ខែតុលា ឆ្នាំ២០១៩ ក្រុមការងារមូលនិធិអង្គការបង្ការបួសរបស់អាស៊ី AIP បានចុះមកសហការជាមួយកម្លាំងនគរបាលចរាចរណ៍ខេត្ត ដើម្បីផ្សព្វផ្សាយអប់រំច្បាប់ចរាចរណ៍ផ្លូវគោក និងបានចែកខិតប័ណ្ណជូនអ្នកបើកបរទោចក្រយានយន្ត រថយន្ត អំពីគ្រោះថ្នាក់នៃការប្រើទូរស័ព្ទពេលកំពុងបើកបរ ក្នុងពិធីអប់រំនិងផ្សព្វផ្សាយក្រុមការងារបានធ្វើការចែកខិតប័ណ្ណ «កុំប្រើទូរស័ព្ទពេលកំពុងបើកបរ»ចំនួន ៥០០សន្លឹក,ចែកខិតប័ណ្ណ «កុំពិសារគ្រឿងស្រវឹងនៅពេលបើកបរ» ចំនួន ៥០០សន្លឹក, ចែកខិតប័ណ្ណ «ពាក់ព័ន្ធការពាក់មួកសុវត្តិភាព» ចំនួន ៣០០សន្លឹក និងខិតប័ណ្ណពាក់ព័ន្ធការបើកបរលើសល្បឿនកំណត់ ចំនួន៧០០សន្លឹក។
ជាការសង្កេតឃើញថាប្រជាពលរដ្ឋអ្នកបើកបរទោចក្រយានយន្ត រថយន្តគ្រប់ប្រភេទភាគច្រើន អ្នកបើកបរនៅតែប្រើប្រាស់ទូរស័ព្ទដៃក្នុងពេលបើកបរ ហើយយើងក៏សំណូមពរដល់បងប្អូនប្រជាពលរដ្ឋអ្នកបើកបរទាំងអស់ សូមចូលរួមកាត់បន្ថយអំពីករណីគ្រោះថ្នាក់ចរាចរណ៍ដែលបង្កឡើងដោយការធ្វេសប្រហែសរបស់អ្នកបើកបរ ការបើកក្នុងស្ថានភាពផ្លូវតូចចង្អៀត បើកលើសល្បឿនកំណត់ និងការប្រើប្រាស់ទូរស័ព្ទពេលកំពុងបើកបរ៕
មតិយោបល់