បន្ទាយមានជ័យ: ប្រជាពលរដ្ឋ បានរាយការណ៍ថា មានករណីជួញដូរ និងប្រើប្រាស់គ្រឿងញៀន កាលពីថ្ងៃទី១១ ខែតុលា ឆ្នាំ២០១៩ នៅចំណុចបន្ទប់ជួល មុខរោងចក្រអូរនាង ស្ថិតក្នុងភូមិអូរឬស្សី សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
ក្រោយទទួលបានដំណឹងភ្លាម កម្លាំងប៉ុស្តិ៍ផ្សារកណ្តាល សុំបទបញ្ជាពីលោកអធិការ ចុះទៅចំណុចនោះ ពេលទៅដល់ស្រាប់តែឃើញ មានជនសង្ស័យនៅទីនោះ ក៏ធ្វើការត្រួតពិនិត្យ បានរកឃើញ កែវសម្រាប់ជក់គ្រឿងញៀន០២ ជញ្ជីងសម្រាប់ថ្លឹងគ្រឿងញៀន០១ ដែកកេះ ១២ និងទុយយូមួយចំនួន ។
បន្ទាប់មកក៏ធ្វើការឃាត់ខ្លួនមនុស្សចំនួន០៩នាក់ នាំមកប៉ុស្តិ៍ ដើម្បីសាកសួរ រួមមានឈ្មោះ៖
១. សុវណ្ណ ចាន់ធួ ហៅ កូ ភេទប្រុស អាយុ២៩ឆ្នាំ រស់នៅបន្ទប់ជូលរោងចក្រអូរនាង
២.សុង រាហួ ភេទប្រុស អាយុ១៧ឆ្នាំ រស់នៅភូមិម៉កហ៊ើន ឃុំពង្រ ស្រុកម៉ាឡៃ
៣.សុវណ្ណ ចាន់ធី ភេទប្រុស អាយុ២២ឆ្នាំ រស់នៅភូមិអាងសិលា ឃុំអូរបីជាន់
៤.ថេង ថាំង ភេទប្រុស អាយុ២២ឆ្នាំ រស់នៅភូមិទំនប់ដាច់ ឃុំអូរបីជាន់
៥.ផាន សុខលី ភេទប្រុស អាយុ១៧ឆ្នាំ រស់នៅភូមិអូរឬស្សី
៦.ឆន ចាន់ ភេទប្រុស អាយុ២២ឆ្នាំ រស់នៅភូមិអូរនាង
៧.វឿន ឆវ័ន្ត ភេទប្រុស អាយុ២២ឆ្មាំ រស់នៅភូមិអូរឬស្សី
៨.ទូត វុធថេ ភេទប្រុស អាយុ២២ឆ្នាំ រស់នៅភូមិអូរនាង
៩.ជុំ ឆវ័ន្ទ ភេទប្រុស អាយុ ២៣ឆ្នាំ រស់នៅ ស្រុកម៉ាឡៃ ។
តាមចម្លើយសារភាពរបស់ឈ្មោះ សុវណ្ណ ចាន់ធូ ហៅ កូ បានសារភាពថា ខ្លួន គឺជាអ្នកជួញដូរគ្រឿងញៀន ចំណែក ០៨នាក់ទៀត យោងតាមចម្លើយ និងលទ្ធផលធ្វើតេស្ត ស្វែងរកសារធាតុញៀន គឺជាអ្នកប្រើប្រាស់ ដោយខុសច្បាប់នូវសារធាតុញៀន៕
មតិយោបល់