ផ្ទះ ព័ត៌មានជាតិ ចោរស៊េរីឆ្នាំ...

ចោរស៊េរីឆ្នាំ ២០១៩ ជិះម៉ូតូកង់បីឥណ្ឌា ធ្វើសកម្មភាពគាស់ផ្ទះពលរដ្ឋ នៅខណ្ឌដង្កោ

0

ភ្នំពេញ: កាលពីវេលាម៉ោង ២ និង ៣៥នាទី រំលងអធ្រាត្រឈានចូលថ្ងៃទី១៧ ខែតុលា ឆ្នាំ២០១៩ ត្រង់ចំណុចមុខសាកលវិទ្យាល័យ ភូមិន្ទកសិកម្មចម្ការដូង ក្នុងក្រុម១៤ ភូមិខ្វា សង្កាត់ដង្កោ ខណ្ឌដង្កោ មានករណីចោរ ធ្វើសកម្មភាពកាត់សោផ្ទះប្រជាពលរដ្ឋ បម្រុងលួចទ្រព្យសម្បត្តិ។

ម្ចាស់ផ្ទះរងគ្រោះឈ្មោះ សុខ ឡូញ ភេទប្រុស អាយុ៧៥ឆ្នាំ ស្នាក់នៅផ្ទះកើតហេតុ។

ដំណើររឿង៖ មុនពេលកើតហេតុ ខណ:កំពុងលង់លក់ក្នុងដំណេក ស្រាប់តែកូនរបស់ជនរងគ្រោះ ឮសូរសំឡេងកាត់សោ ដោយមានការសង្ស័យ ទើបក្រោកទៅមើល ឃើញម៉ូតូកង់បីឥណ្ឌាមួយគ្រឿង ចតនៅក្បែរនោះ ទើបស្រែកឆោឡោថា ចោរៗ ធ្វើឲ្យជនសង្ស័យភ័យពេក ក៏ប្រញាប់រត់គេចខ្លួនតែម្តង ទុកម៉ូតូកង់បីឥណ្ឌាចោលនៅកន្លែងកើតហេតុ។

ក្រោយទទួលបានដំណឹង សមត្ថកិច្ច បានចុះធ្វើការត្រួតពិនិត្យ រកឃើញក្នុងម៉ូតូ កង់បីឥណ្ឌា មានសុទ្ធតែសម្ភារ:សម្រាប់គាស់ផ្ទះ ហើយបានយកទៅរក្សាទុក នៅប៉ុស្តិ៍រដ្ឋបាលសង្កាត់ដង្កោ ដើម្បីស្រាវជ្រាវរកជនសង្ស័យ មកចាត់ការតាមច្បាប់៕

មតិយោបល់

Loading...