ភ្នំពេញៈ នៅថ្ងៃទី១៨ ខែតុលា ឆ្នាំ២០១៩ វេលាម៉ោង២និង០០នាទី មានជនជាតិចិន ០១នាក់ ឈ្មោះ WANG JIE ភេទស្រី អាយុ៥៤ឆ្នាំ បានមកការិយាល័យស៊ើបអង្កេត និងអនុវត្តនីតិវិធី ផែនការងារអន្តោប្រវេសន៍ នៃស្នងការដ្ឋាននគរបាលរាជធានីភ្នំពេញ គោលបំណង់ឲ្យសមត្ថកិច្ចបញ្ជូនរូបគាត់ត្រឡប់ទៅប្រទេសដើមវិញ គ្មានលិខិតឆ្លងដែនជាប់នឹងខ្លួន និងគ្មានលទ្ធភាពធ្វើលិខិតឆ្លងដែនថ្មី បន្ទាប់កម្លាំងការិយាល័យស៊ើបអង្កេត និងអនុវត្តនីតិវិធី ដឹងថាជននេះចូលមកព្រះរាជាណាចក្រកម្ពុជា នៅថ្ងៃទី១៣.១០.២០១៩ តាមច្រកអាកាសយានដ្ឋានអន្តរជាតិព្រះសីហនុ គោលបំណងទេសចរ ត្រូវបានបញ្ជូនទៅនាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ ដើម្បីអនុវត្តនីតិវិធីបន្តនៃច្បាប់៕