កណ្ដាល: កាលពីថ្ងៃទី២៧ ខែវិច្ឆិកា ឆ្នាំ២០១៩ វេលាម៉ោង ១៦ និង ០០នាទី មានករណីលួច ត្រង់ចំណុចក្រុមហ៊ុន7NG ស្ថិតភូមិព្រៃចាស់ ឃុំវិហារសួគ៌ ស្រុកខ្សាច់កណ្តាល ខេត្តកណ្តាល។

ជនរងគ្រោះឈ្មោះ ប៊ុន រុន ភេទប្រុស អាយុ ៦០ ឆ្នាំ ជនជាតិខ្មែរ មុខរបរ បុគ្គលិកក្រុមហ៊ុន7NG មានទីលំនៅភូមិបារ៉ុង ឃុំបារ៉ុង ស្រុកល្វាឯម ខេត្តកណ្តាល។
ជនសង្ស័យចំនួន ០៣ នាក់រួមមាន៖
១/ឈ្មោះ វ៉ន ចាន់ថា ភេទប្រុស អាយុ ២១ ឆ្នាំ មុខរបរ រត់ម៉ូតូកង់បីឥណ្ឌា មានទីលំនៅភូមិត្រី ឃុំថ្មគរ ស្រុកល្វាឯម ខេត្តកណ្តាល (ឃាត់ខ្លួន)។
២/ឈ្មោះ វាសនា ភេទប្រុស អាយុ ២២ ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះជួលភូមិព្រៃចាស់ ឃុំវិហារសួគ៌ ស្រុកខ្សាច់កណ្តាល ខេត្តកណ្តាល (គេចខ្លួន)។និងម្នាក់ទៀតមិនស្គាលអត្តសញ្ញាណ។

វត្ថុតាងដកហូតបាន៖
-កៅអីរថយន្ត ០៨។
-ចាន ០១កញ្ចែ្រង
-ម៉ាស៊ីនពោងខ្យល់ ០១
-ម៉ូតូកង់បីឥណ្ឌា១គ្រឿង ពណ៌ស ពាក់ស្លាកលេខ កំពង់ធំ 1M-4443។

ដំណើររឿង៖ នៅថ្ងៃកើតហេតុ ជនសង្ស័យទី១បានដឹកបក្ខពួកទៅគាស់ឃ្លាំង ចូលលួចយកកៅអីរថយន្តក្នុងក្រុមហ៊ុន7NG
បានកៅអីរថយន្ត ០៨កៅអី ចាន ០១កញ្ចែ្រង និងម៉ាស៊ីនពោងខ្យល់ ០១ ពេលសែងចេញរៀបចំដាក់លើផាស្អាប់ ត្រូវបុគ្គិសិកក្រុមហ៊ុនឃើញក៏ឃាត់បានអ្នកបើកបរ ចំណែក២នាក់ទៀតរត់គេចខ្លួនបាត់ បន្ទាប់បុគ្គលិកក្រុមហ៊ុន7NG ក៏ប្រគល់ជនសង្ស័យជូនប៉ុស្តិ៍នគរបាលរដ្ឋបាលវិហារសួគ៌ចាត់ការតាមច្បាប់។

បច្ចុប្បន្ន ជនសង្ស័យត្រូវសមត្ថកិច្ចធ្វើការសួរនាំ និងកសាងសំណុំរឿង ដើម្បីចាត់ការតាមនីតិវិធី៕