ផ្ទះ ព័ត៌មានជាតិ ផឹកចំស្រាកាច!...

ផឹកចំស្រាកាច! ទាស់សម្ដីគ្នា បុរសម្នាក់ទាញកៅអីវាយអ្នករួមវង់ របួសជាច្រើនកន្លែង

0

កណ្ដាល: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ជនសង្ស័យម្នាក់ត្រូវសមត្ថកិច្ចឃាត់ខ្លួនករណី​ហិង្សា​ដោយ​ចេតនា កាលពីវេលាម៉ោង ១០ និង ០០នាទីយប់ ថ្ងៃ​ទី​២៩​ ខែវិច្ឆិកា​ ឆ្នាំ​២០១៩​ ស្ថិតភូមិ​ព្រែក​ក្របៅ​ទី​២​ ឃុំ​ព្រែក​អំពិល​ ស្រុក​ខ្សាច់កណ្តាល​ ខេត្តកណ្តាល​ ។​

ជនសង្ស័យ​ឈ្មោះ​ សុខ​ ផា​រ៉ុ​ម​ ភេទ​ប្រុស​ អាយុ​ ៣៩​ ឆ្នាំ​ ជនជាតិ​ខ្មែរ​ មុខរបរ​ កសិករ​ ។​ ចំណែកឯ​ជន​រង​គ្រោះ​ឈ្មោះ​ ធឺ​ម​ សាន​ ភេទ​ប្រុស​ អាយុ​ ៣៨​ ឆ្នាំ​ ជនជាតិ​ខ្មែរ​ មុខរបរ​ កសិករ​ ។​ អ្នកទាំង២​ មានទីលំនៅភូមិ/ឃុំខាងលើ។​

​វត្ថុ​តាង​ដកហូតបាន​៖​ កៅអី​ដែក​ ០១​ ។​

ដំណើររឿង៖ នៅវេលាកើតហេតុ ​ជនសង្ស័យ​និង​ជន​រង​គ្រោះ​ មាន​ទំនាស់​ពាក្យ​សម្តី​ជាមួយ​គ្នា​ក្នុង​វង់​ផឹកស៊ី​ ជនសង្ស័យ​បាន​យក​កៅអី​ដែក​ វាយ​មក​លើ​ជន​រង​គ្រោះ​ ០៣​កៅអី​ បណ្តាល​ឲ្យ​រង​របួស​ កដៃ​ខាងឆ្វេង​ ០១​កន្លែង​ បែក​ថ្ងាស​ ០១​កន្លែង​ ដេរ​ ០៣​ថ្នេរ​ និង​របួស​ក្បាល​ ០១​កន្លែង​ បន្ទាប់មកជនរងគ្រោះបានទៅដាក់ពាក្យបណ្ដឹងនៅអធិការដ្ឋាននគរបាល។

​បច្ចុប្បន្ន​ជនសង្ស័យ​ និង​វត្ថុ​តាង​ត្រូវ​បាន​សមត្ថកិច្ច​បញ្ជូន​ទៅកាន់​អធិការដ្ឋាន​នគរបាល​ស្រុក​ខ្សាច់កណ្តាល​ ដើម្បី​កសាង​សំណុំរឿង​ចាត់ការ​តាម​នីតិវិធី​ ៕

មតិយោបល់

Loading...

Leave a Reply

This site uses Akismet to reduce spam. Learn how your comment data is processed.