ផ្ទះ ព័ត៌មានជាតិ រន្ធត់ណាស់! រ...

រន្ធត់ណាស់! រថយន្តក្រុង បុកម៉ូតូ២គ្រឿង បណ្ដាលឲ្យស្ត្រីម្នាក់ស្លាប់ និង២នាក់ទៀតរបួសធ្ងន់

0

សៀមរាប: កាលពីថ្ងៃទី៦ ខែវិច្ចិកា ឆ្នាំ២០១៩ វេលាម៉ោង ១៥ និង ៤៥នាទី មានគ្រោះថា្នក់ចរាចរណ៍មួយកើតឡើង រវាងរថយន្តក្រុងនិងម៉ូតូ លើកំណាត់ផ្លូវជាតិលេខ ៦៧ ស្ថិតនៅភូមិត្រាច ឃុំបល្ល័ង្ក ស្រុកប្រាសាទបាគង ខេត្តសៀមរាប ។

ជនរងគ្រោះចំនួន ៣នាក់រួមមាន៖
១/ឈ្មោះ អឿន សុភា ភេទស្រី អាយុ ១៧ ឆ្នាំ(របួសធ្ងន់)។
២/ឈ្មោះ ខន ស្រីលាក់ ភេទស្រី អាយុ ១៧ ឆ្នាំ រស់នៅភូមិជាមួយគ្នា(ស្លាប់)។
៣/ឈ្មោះ ឡម លីដា ភេទ ស្រីអាយុ ១៧ ឆ្នាំ (របួសធ្ងន់)។
អ្នកទាំង៣រស់នៅភូមិក្រវ៉ាន់ សង្កាត់នគរធំ ក្រុងសៀបរាម។

ដំណើររឿង៖ មុនពេលកើតហេតុ មានរថយន្តក្រុង១គ្រឿងម៉ាក ហ៊ីយិនដាយ ពណ៌ស ពាក់ស្លាកលេខ ភ្នំពេញ 3A-9584 បើកបរដោយជនមិនស្គាល់អត្តសញ្ញាណ រត់គេចខ្លួន ទិសដៅពីត្បូងទៅជើង មកដល់ចំណុចខាងលើបានបុកនិងម៉ូតូម៉ាក ហុងដា សេ១២៥ សេរី២០១៤ ពាក់ស្លាកលេខ សៀមរាប 1P-8274 ហើយទៅប៉ះម៉ូតូមួយគ្រឿងទៀត កំពុងឆ្លងផ្លូវ ក្វែងទិសគ្នា បណ្ដាលឲ្យស្លាប់ម្នាក់ និង២នាក់ទៀតរបួសធ្ងន់។

ក្រោយកើតហេតុ សមត្ថកិច្ចបានចុះដល់ទីតាំង ធ្វើការវាស់វែងយកវត្ថុតាងទៅរក្សាទុកនៅអធិការដ្ឋាននគរបាលដើម្បីដោះស្រាយគ្នាតាមច្បាប់ ចំណែកអ្នករបួសបញ្ជូនទៅមន្ទីរពេទ្យ ខណ:ប្រគល់សពឲ្យគ្រួសារយកទៅធ្វើបុណ្យតាមប្រពៃណី៕

Loading...

Leave a Reply

This site uses Akismet to reduce spam. Learn how your comment data is processed.