ព័ត៌មានជាតិ

ឃើញថាជាសន្តិសុខ ខំឲ្យបន្ទប់ស្នាក់ យប់ឡើងលួចអស់រលីង

សៀមរាប:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កាលពី​ថ្ងៃ​ទី​១២​ ខែធ្នូ​ ឆ្នាំ​២០១៩​ សមត្ថកិច្ច​បាន​ឃាត់ខ្លួន​ជនសង្ស័យ​ម្នាក់ ពាក់ព័ន្ធករណីលួច​ នៅ​បរិវេណ​សួន​ច្បារ​ព្រះរាជដំណាក់​ ស្ថិត​នៅភូមិ​ មណ្ឌល​០២​ សង្កាត់​ស្វាយ​ដង្គំ​ ក្រុង​/​ខេត្តសៀមរាប។

ជនសង្ស័យឈ្មោះ​ ឈឿ​ង​ វី​រ:​ ហៅ​ រាក់​ ភេទ​ប្រុស​ អាយុ ​២០ ​ឆ្នាំ​ ជនជាតិ​ខ្មែរ​ មុខរបរ​ សន្តិសុខ​ ​ភោជនីយដ្ឋាន​តា​លាភ​អូ​ឫស្សី​​ រស់នៅភូមិ​ព្រះ​ដាក់​ ឃុំ​ព្រះ​ដាក់​ ស្រុក​បន្ទាយស្រី​ ខេត្តសៀមរាប​។​
ជន​រង​គ្រោះ​ ឈ្មោះ​ អួន​ បញ្ញា​ ភេទ​ប្រុស​ អាយុ ​១៨ ​ឆ្នាំ​ មុខរបរ​សិស្ស​ ស្នាក់នៅ​បន្ទប់ជួល ភូមិ​សាលា​កន្សែង​ សង្កាត់​ស្វាយ​ដង្គុំ​ ក្រុង​/​ខេត្តសៀមរាប​។

សម្ភារ:បាត់បង់៖
-ម៉ូតូ​ម៉ាក​ ហុងដា​ឌ្រី​ម​ សេ​១២៥​ ស៊េរី​ឆ្នាំ​២០១៩​ ពណ៌​ខ្មៅ​ ពាក់​ស្លាក​លេខ​ សៀមរាប​ 1AF-4923 លេខ​តួ​និងលេខ​ម៉ាស៊ីន​ ៥៤៩៦៤៦៩​
-​ទូរស័ព្ទ​ដៃចំនួន​០២​គ្រឿង​ម៉ាក​vivo​ ពណ៌​ខៀវ​ និង​ម៉ាក់​ oppo​ ពណ៌​ខៀវ​។​

ដំណើររឿង៖ ​កាលពីថ្ងៃ​ទី​៥​ ខែធ្នូ​ ឆ្នាំ​២០១៩​ វេលា​ម៉ោង ​២០ ​និង​ ១០​នាទី​ ជនសង្ស័យបានសុំបន្ទប់របស់ជនរងគ្រោះស្នាក់នៅចំនួន១យប់ ខណ:ដល់វេលាម៉ោង ១១ និង ៣០នាទី ជនសង្ស័យបានងើបពីដេកហើយធ្វើសកម្មភាពយកកូនសោទៅលួចម៉ូតូរបស់ជនរងគ្រោះ បន្ទាប់មកគេចខ្លួនបាត់។ លុះដល់វេលាម៉ោង ១០ និង ២០នាទីយប់ ថ្ងៃទី១១ ខែធ្នូ ជនរងគ្រោះប្រទះឃើញជនសង្ស័យកំពុងអង្គុយលេងជាមួយមិត្តភក្ដិ ក៏រាយការណ៍ការឲ្យសមត្ថកិច្ចដើម្បីអន្តរាគមន៍។

ក្រោយទទួលបានព័ត៌មាន សមត្ថកិច្ចបានធ្វើការឃាត់ខ្លួនជនសង្ស័យយកមកសាកសួរ ជនសង្ស័យបានសារភាពថាខ្លួនពិតជា ធ្វើសកម្មភាពលួចយកម៉ូតូនិងទូរស័ព្ទរបស់ជនរងគ្រោះប្រាកដមែន ហើយបានប្រគល់ឲ្យបក្ខពួក២នាក់ទៀតយកទៅលក់។ បន្ទាប់មកសមត្ថកិច្ច បញ្ជូនជនសង្ស័យទៅការិយាល័យជំនាញ និងកសាងសំណុំរឿងធ្វើការស្រាវជ្រាវរកបក្ខពួក​ ដើម្បីចាត់ការតាមច្បាប់៕

មតិយោបល់