ភ្នំពេញ: ក្រុមក្មេងទំនើងប្រដាប់ដោយដាវសុាំម៉ូរ៉ៃចំនួន៤នាក់ ដែលរងចាំកាប់គូសត្រូវ ត្រូវបានកម្លាំងនគរបាលប៉ុស្តិ៍ចោមចៅឃាត់ខ្លួនបានទាន់ពេល កាលពីវេលាម៉ោង ១១និង១០នាទីយប់ថ្ងៃទី ថ្ងៃទី២៦ ខែកក្កដា ឆ្នាំ២០១៦ នៅចំណុចមុខផ្សារកាណាស៊ីធី ផ្លូវវេងស្រេង សង្កាត់ចោមចៅ ខណ្ឌពោធិ៍សែនជ័យ។
ប្រភពពីសមត្ថកិច្ចបានឲ្យដឹងថា មុនពេលកើតហេតុ គេបានឃើញក្មេងទំនើងចំនួន៤នាក់ ឈររ៉េរ៉នៅមុខផ្សារកាណាស៊ីធី នឹងឃើញមានដាវសុាំម៉ូរ៉ៃក្នុងដៃ ឃើញដូច្នេះប្រជាពលរដ្ឋ បានរាយការណ៍មកសមត្ថកិច្ច ភ្លាមនោះកម្លាំងបានចុះទៅដល់ទីនោះ ក៏បានធ្វើការឃាត់ខ្លួនក្មេងទំនើងបានទាំង៤នាក់ និងដកហូតបានដាវកែច្នៃ ប្រភេទសុាំម៉ូរ៉ៃចំនួន២ដើម៕
មតិយោបល់