ភ្នំពេញៈ បុរសមេធាវីម្នាក់បានបើករថយន្ដយ៉ាងលឿន ហើយរ៉េចង្កូតទៅបុករនាំដែកពុះចែកទ្រូងផ្លូវបាក់អស់ចំនួន៨ផ្ទាំង រួចរថយន្ដមិនទាន់អស់ល្បឿនហើយជ្រុលទៅបុកម៉ូតូចំនួន៣គ្រឿង និងរ៉ឺកម៉កកង់៣មួយគ្រឿងទៀត ហេតុការណ៍នេះកើតឡើងកាលពីវេលាម៉ោង១១យប់ថ្ងៃទី២៦ ខែកក្កដា ឆ្នាំ២០១៦ តាមបណ្ដោយផ្លូវព្រះមុន្នីវង្ស ស្ថិតក្នុងសង្កាត់បឹងត្របែក ខណ្ឌចំការមន។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរសម្នាក់ជាមេធាវីបានបើករថយន្ដ Land Cruiser មួយគ្រឿង ពណ៌ប្រផេះ ស្លាកលេខភ្នំពេញ 2U-3989 ធ្វើដំណើរតាមបណ្ដោយផ្លូវ ព្រះមុន្នីវង្ស ទិសដៅពីត្បូងទៅជើង ខណៈមកដល់ចំណុចកើតហេតុ រថយន្ដក៏រ៉េចង្កូតទៅបុករបាំងដែកពុះចែកទ្រូងផ្លូវ បាក់អស់៨ផ្ទាំង ហើយរថយន្ដមិនទាន់អស់ល្បឿនទៅបុករះម៉ូតូចំនួន៣គ្រឿង និងរ៉ឺកម៉កកង់៣មួយគ្រឿងថែមទៀត។
ក្រោយពេលកើតហេតុសមត្ថកិច្ចចុះមកដល់ចំណុចកើតហេតុធ្វើការវាស់វែងយករថយន្ដ និងម៉ូតូទៅរក្សារទុកនៅការិយាល័យចរាចរណ៍ជើងគោក ដើម្បីធ្វើការដោះស្រាយតាមនីតិវិធីច្បាប់៕
//youtu.be/1RqRBEjJwd4
![Untitled-1 Untitled-1](http://i0.wp.com/postnews.com.kh/wp-content/uploads/2016/07/Untitled-1-12.jpg?w=636&h=354&ssl=1)
មតិយោបល់