ភ្នំពេញៈ កាលពីម៉ោង ០២និង០០នាទីថ្ងៃទី២៦-១២-២០១៩ រំលងអធ្រាត្រ ត្រង់ចំណុចដីឡូតគ្មានលេខ ភូមិចំពុះក្អែក សង្កាត់ព្រែកថ្មី ខណ្ឌច្បារអំពៅ មានករណីលួចអាគុយ ។

ជនរងគ្រោះឈ្មោះ ថោង វណ្ណី ភេទប្រុស អាយុ ២៧ឆ្នាំ ជនជាតិខ្មែរ មុខរបរ កម្មករសំណង់ ស្នាក់នៅភូមិត្រពាំងថ្លឹង សង្កាត់ ចោមចៅ ខណ្ឌពោធិ៍សែនជ័យ។

ជនសង្ស័យឃាត់ខ្លួនឈ្មោះ ធី ធារ៉ា ភេទ ប្រុស អាយុ ២៤ឆ្នាំ ជនជាតិខ្មែរ មុខរបរជាងជួសជុលទូរស័ព្ទដៃ ស្នាក់នៅភូមិកោះក្របី សង្កាត់ព្រែកថ្មី ខណ្ឌច្បារអំពៅ។

ដំណើររឿង៖ នៅវេលាម៉ោងកើតហេតុ សមត្ថកិច្ចនគរបាលប៉ុស្តិ៍ព្រែកថ្មី បានល្បាតក្នុងមូលដ្ឋាន មកដល់ចំណុចកើតហេតុ ក៏ឃើញជនសង្ស័យ០២នាក់ ឈ្មោះធី ធារ៉ា និងឈ្មោះគា សុផាត់ កំពុងលើកអាគុយដាក់លើម៉ូតូ ម៉ាកហុងដាសេ១២៥ ពណ៌ខ្មៅ ស្លាកលេខ ភ្នំពេញ១W-៩៦២៩។

ដោយសមត្ថកិច្ច មានការសង្ស័យក៏ឃាត់ត្រួតពិនិត្យ ស្រាប់តែជនសង្ស័យទាំង០២នាក់ នាំគ្នារត់គេចខ្លួន ពេលនោះ សមត្ថកិច្ចក៏ដេញតាមឃាត់ខ្លួន បានជនសង្ស័យម្នាក់ឈ្មោះ ធី ធារ៉ា រួមនិងវត្ថុតាងខាងលើ បញ្ជូនមកទីស្នាក់ការប៉ុស្តិ៍ព្រែកថ្មី ធ្វើការសាកសួរ។ ចំណែកជនសង្ស័យឈ្មោះ គា សុផាត់ រត់គេចខ្លួន បាត់។ លុះដល់ព្រឹកឡើងម៉ោង០៧និង០០នាទីថ្ងៃដដែល ជនរងគ្រោះ ក៏មកដាក់ពាក្យបណ្តឹង។

សូមបញ្ជាក់៖ ជនសង្ស័យប្រើប្រាស់គ្រឿងញៀន៕