កែបៈ កាលពីថ្ងៃទី៣ ខែមករា ឆ្នាំ២០២០ វេលាម៉ោង ៤និង៣០នាទីរសៀល មានហេតុការណ៍បាក់រលំអគារនៅខេត្តកែប ក្នុងចំណោមអ្នកស្លាប់ ៣៦នាក់ មានជនរងគ្រោះម្នាក់ជិតដល់ថ្ងៃរៀបការ ប៉ុន្តែអកុសលត្រូវអគាររលំសង្កត់ស្លាប់យ៉ាងអាណោចអធ័ម អ្វីដែលគួរឲ្យសោកសង្វេគបំផុតនោះ គឺនារីជាគូដណ្ដឹងយំសោកបោកខ្លួន ព្រោះត្រូវព្រាត់មនុស្សជាទីស្រឡាញ់ជារៀងរហូតគ្មានថ្ងៃវិលវិញ។

សូមជូនពរឲ្យក្រុមគ្រួសារ និងគូដណ្ដឹងបងប្រុសរឹងមាំឡើង ជីវិតមនុស្សគ្រប់រូបមិនទៀងទេ ហើយក៏គ្មាននរណាដឹងមុនបានឡើយថា ថ្ងៃស្អែកនឹងត្រូវជួបប្រទះអ្វី។