ផ្ទះ ព័ត៌មានជាតិ បុរស២នាក់ ធ្វ...

បុរស២នាក់ ធ្វើសកម្មភាពលួចមេគោបម្រុងដឹកចេញ សមត្ថកិច្ចទៅទាន់ចាប់វាយខ្នោះ

0

សៀមរាប: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា​ ថ្ងៃ​ទី​០៦​ ខែកុម្ភ:​ ឆ្នាំ​២០២០​ វេលា​ម៉ោង​៣​ និង​ ៤៥​ទី​ទៀប​ភ្លឺ​ កម្លាំង​អធិការដ្ឋាន​នគរបាល​ស្រុក​បាន​បង្ក្រាប​ករណី​ចោរកម្ម​លួច​គោ២​ក្បាល​ ស្ថិតភូមិ​លលៃ​ ឃុំ​បាគង​ ស្រុក​ប្រាសាទបាគង​ ខេត្តសៀមរាប​។​

​ជនសង្ស័យ​០២​នាក់រួមមាន​៖
១/​​ឈ្មោះ​ សៅ​ ភ្លឿ​យ​ ភេទ​ប្រុស​ អាយុ ​៤៤​ ឆ្នាំ​ ភូមិ​ត្រាវ​គៀត​ ឃុំ​ដាន​រុន​ ស្រុក​សូទ្រនិគម​ ខេត្តសៀមរាប​។​
២/ឈ្មោះ​ សំ​ ជា​ ភេទ​ប្រុស​ អាយុ​ ៥០​ ឆ្នាំ​ ភូមិ​បាត​ត​ ឃុំ​គោក​ធ្លក​ក្រោម​ ស្រុក​ជីក្រែង​ ខេត្តសៀមរាប​។​

ដំណើររឿង៖ នៅវេលាកើតហេតុ ​កម្លាំង​នគរបាល​ចេញ​ល្បាត​ ក៏​ប្រទះ​ឃើញ​ ម៉ូតូ​សណ្តោង​រ៉ឺ​ម៉ក ០១​គ្រឿង​ ម៉ូតូ​ស៊ុ​ម័​រ​ ពណ៌​ក្រហម​០១​គ្រឿង​ ដឹកគោ​មេ​ ចំនួន​០២​ក្បាល​ និង​បើកបរ​ដោយ​ជនសង្ស័យ​ទាំង​ពីរ​នាក់​ បន្ទាប់មកសមត្ថកិច្ចបានធ្វើការ​សាកសួរ​ជនសង្ស័យ​សារភាព​ថា​ ពួក​គេ​ពិតជា​បាន​ធ្វើ​សកម្មភាព​លួច​គោ​ នៅ​ភូមិ​លលៃ​ពិតប្រាកដ​មែន​។​

​បច្ចុប្បន្ន​ ជនសង្ស័យ​ត្រូវ​​សមត្ថកិច្ច​ធ្វើការ​ឃាត់ខ្លួន​ និង​កំពុង​កសាង​សំណុំរឿង​បញ្ជូន​ទៅ​សាលាដំបូង​ខេត្ត​ដើម្បី​អនុវត្ត​តាម​នីតិវិធី​ច្បាប់​បន្ត​៕

មតិយោបល់